’ہلیری پرفیکٹ امیدوار نہیں تب بھی تمام پاکستانیوں کا ووٹ اُنہی کے لیے ہے‘

فلاڈیلفیا میں ایک طویل عرصے سے آباد بزنس کے شعبے سے منسلک ایک پاکستانی خاتون عائشہ نے ڈوئچے ویلے کے ساتھ بات چیت کرتے ہوئے کہا کہ ڈیموکریٹک نیشنل کنوینش میں ایک پاکستانی جوڑے نے غیر معمولی کردار ادا کیا تھا۔ اُن کا اشارہ خضر خان اور اُن کی اہلیہ کی طرف تھا۔ 

عائشہ کا کہنا ہے کہ تمام امریکا میں بسنے والے پاکستانیوں کا ووٹ ہلیری کلنٹن کو ہی ملا ہے اور اس کی بہت واضح وجوہات ہیں۔ عائشہ نے تاہم یہ بھی کہا کہ ہلیری کلنٹن گرچہ ایک آئیڈیل امیدوار نہیں ہیں۔
 
عائشہ کے بقول کلنٹن کے پس منظر اور ان سے متعلق کمزوریوں سے بھی سب آگاہ ہیں اور یہ تمام پاکستانی ووٹرز بھی جانتے ہیں لیکن تب بھی لوگ ہلیری کو ہی ٹرمپ پر مکمل فوقیت دے رہے ہیں اور وہ وائٹ ہاؤس میں پہلی امریکی خاتون صدر کو دیکھنا چاہتے ہیں۔