1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

پاکستان کا دل جیتنے کی امریکی کوشش،سیسمی سٹریٹ اب اردو زبان میں

13 اپریل 2011

امریکہ کا ادارہ برائے ترقیاتی فنڈ بچوں کے مشہور ترین ٹی وی پروگرام سیسمی سٹریٹ کو اردو زبان میں بنانے کے لیے 20 ملین ڈالر مختص کر رہا ہے۔

https://p.dw.com/p/10sIH
تصویر: AP

یو ایس ایڈ کی جانب سےتعلیم کے شعبے میں اسلام آباد کو امداد دینے والے ادارے کے افسر اعٰلی لیری ڈولن کے مطابق پاکستانی ناظرین کے لیے اس مشہور ترین پروگرام کو بنانے کا مقصد دونوں ممالک کے درمیان یکساں خیالات اور اقدار کو فروغ دینا اور تعلیم کے شعبے میں بہتری لانا ہے۔

سیسمی سٹریٹ کی مجموعی طور پر کُل 78 اقساط پیش کی جائیں گی جن کی عکسبندی کا سلسلہ رواں برس ستمبر میں شروع ہو جائے گا۔ یہ پروگرام پاکستان کے دیہاتی پس منظر میں فلمایا جائے گا۔

Flash-Galerie Die Sesamstraße wird 40
سیسمی سٹریٹ کے چند معروف کردارتصویر: picture-alliance/ dpa

اس ٹی وی شو کے بنانے والوں کو امید ہے کہ بچوں کے اسمشہور ترین پروگرام کو بچوں کی مادری زبان میں بنانے سے وہ سات لاکھ بچوں اور اندازﹰا تین لاکھ والدین تک رسائی حاصل کرنے میں کامیاب ہو جائیں گے۔ اس پروگرام کو ملک کے 90 اضلاع میں 600 مرتبہ بچوں کے سامنےبراہ راست دیکھائے جانے کی منصوبہ بندی کے علاوہ کتابیں اور ملٹی میڈیا کا استعمال بھی کیا جائے گا۔

پروگرام میں شامل کرداروں کا خبر رساں ادارے اے ایف پی کو ملنے والے تعارف کے مطابق مرکزی کردار ایک چھ سالہ بچی کی پُتلی ہے،جسے رانی کا نام دیا گیا ہے۔ سر پر دوچوٹیاں باندھنےوالی ،سائنس کی دلدادہ اس بچی کے گہرے دوستوں میں ایک محنت کش گدھا اور ایک نوجوان کتابی کیڑا بھی شامل ہے۔ اس پروگرام میں یہ بچی عورت کی طاقت اور برداشت کا پیغام دیتی نظر آئے گی۔

Pakistan Lahore Puppenspiel Festival 2011
رفیع پیر تھیٹر کی جانب سے منعقد پُتلی میلے کا ایک منظرتصویر: Rafi Peer Theater Workshop

اس کے علاوہ ایک کردار رانی کے والد کا ہے ،جو مالی ہے اور والدہ ہے جو غیر تعلیم یافتہ لیکن بیٹی کو تعلیم دلانے کی بہت بڑی حامی ہیں۔ جبکہ رانی کا دوست گدھا ایک پاپ اسٹار بننا چاہتا ہے اور اس کا کردار یہ دکھائے گا کہ کس طرح سے سخت محنت کے ذریعے کوئی بھی اپنے خواب پورے کر سکتا ہے۔

افسر اعٰلی لیری ڈولن کے مطابق اس پروگرام کو بنانے کےلیے امریکہ لاہور کی رفیع پیر تھیٹر ورکشاپ کو 20 ملین ڈالر کی رقم ادا کرے گا۔ رفیع پیر ٹھیٹرکے تخلیقی ہدایتکار فیضان پیرزادہ اردو زبان میں سیسمی سٹریٹ بنانے کے لیے نامزد کیے گئے ہیں۔

فیضان پیر زادہ کہتے ہیں کہ اردو زبان میں سیسمی سٹریٹ پاکستانی بچوں کے لیے امریکی عوام کی جانب سے ایک تحفہ ہے، جو پاکستانی بچوں کے ہاں کھیل کھیل میں اور رنگ برنگے انداز میں تعلیم کو فروغ دے گا۔

رپورٹ: عنبرین فاطمہ

ادارت: امجد علی

اس موضوع سے متعلق مزید سیکشن پر جائیں

اس موضوع سے متعلق مزید

مزید آرٹیکل دیکھائیں