پاکستان میں متنازعہ بھارتی فلم ’فینٹم‘ کی ہیروئن کترینا کیف

’فینٹم‘ میں 2008ء میں بھارتی شہر ممبئی میں ہونے والے دہشت گردانہ حملوں کو موضوع بنایا گیا ہے۔ اس تصویر میں کترینا کیف ممبئی میں منعقدہ اُس تقریب میں فوٹوگرافروں کے لیے پوز دے رہی ہیں، جس میں اس فلم کا ٹریلر متعارف کروایا گیا۔

کترینا کیف جولائی کے اواخر میں ممبئی میں منعقدہ تقریب میں فلم ’فینٹم‘ کے ڈائریکٹر کبیر بیدی کے ساتھ۔اس فلم کی کہانی حافظ محمد سعید کے تصوراتی قتل پر مبنی ہے، جنہیں بھارت ان حملوں میں ملوث ہونے کا الزام دیتا ہے۔ حافظ سعید نے اپنے وکیل کی وساطت سے کہا ہے کہ یہ ایک پراپیگنڈا فلم ہے، جس پر پاکستان میں پابندی عائد کی جانی چاہیے۔

2003ء میں فلم ’بُوم‘ سے بالی وُڈ میں قدم رکھنے کے بعدکترینا ’سیاست‘ اور ’حکومت‘ جیسی سنجیدہ فلمیں بھی کر چکی ہیں اور ساتھ ہی انہوں نے ’چکنی چنبیلی‘ اور ’شیلا کی جوانی‘ جیسے سپرہٹ آئٹم نمبر بھی دیے ہیں۔

کترینا ہندوستان کی ان چند ایک اداکاراؤں میں سے ہیں، جنہوں نے کان فلم فیسٹیول میں شرکت کی ہے۔ اس سال وہ پہلی بار کان پہنچیں اور اپنے سیاہ گاؤن اور سرخ بالوں والی لُک کے ساتھ فیشن کی دنیا کو اپنا دیوانہ بنا دیا۔

سلمان خان کے ساتھ کترینا نے ’میں نے پیار کیوں کیا‘، ’پارٹنر‘ اور ’ایک تھا ٹائیگر‘ جیسی کامیاب فلموں میں کام کیا۔ صرف آن سکرین ہی نہیں بلکہ نجی تعلقات کے حوالے سے بھی اس جوڑی کا خوب چرچا رہا۔ حال ہی میں سلمان نے کہا کہ بریک اَپ کے بعد بھی وہ ان کے دوست ہیں اور خاندان کا حصہ بھی۔

فی الحال کترینا کے شائقین کا سب سے بڑا سوال یہی ہے۔ رنبیر کپور اورکترینا کیف دونوں ہی بالی وُڈ کے بہترین اداکار ہیں اور کام کے سلسلے میں انتہائی سنجیدہ نظر آتے ہیں۔ رنبیر کا کہنا ہے کہ کترینا سیٹ پر زیادہ تعریف نہیں کرتیں، صرف نقص ہی نکالتی رہتی ہیں۔

'زندگی نہ ملے گی دوبارہ‘، ’بینگ بینگ‘ اور ’اگنی پتھ‘ میں کترینا کے ساتھ کام کرنے والے ریتک روشن کا بھی کہنا ہے کہ وہ انتہائی محنتی ہیں۔ ایک انٹرویو میں انہوں نے کہا کہ کترینا مردوں کی طرح کام کرتی ہیں۔

فلم ’دھوم تھری‘ میں ’کملی کملی‘ کے گیت پر کترینا کے رقص کی جم کر تعریف ہوئی۔ وہ اپنے رقص کے حوالے سے اتنی شہرت رکھتی ہیں کہ مادام تُساؤ میوزیم میں اُن کے مومی مجسمے میں بھی اُنہیں رقص کرتے ہوئے دکھایا گیا ہے۔

یہ منظر 2012ء میں کولکتہ میں منعقد ہونے والے ایک فلمی میلے کا ہے۔ زبان سے پوری طرح سے واقف نہ ہوتے ہوئے بھی کترینا کیف نے پورے اعتماد کے ساتھ بالی وُڈ میں بننے والی فلموں میں کام کرنا شروع کیا اور انوشکا شرما، دیپیکا پڈوکون اور پریانکا چوپڑا جیسی اداکاراؤں کی سخت حریف ثابت ہوئیں۔

کترینا بالی وُڈ کی واحد اداکارہ ہیں، جن پر ایک باربی گڑیا بھی بنی ہے۔ کترینا ہانگ کانگ میں پیدا ہوئیں، امریکی ریاست ہوائی میں پلی بڑھیں اور تعلیم لندن میں حاصل کی۔ پھر اُنہوں نے ماڈلنگ کی دنیا میں قدم رکھا۔ 1983ء میں ایک کشمیری بزنس مین محمد کیف اور اُن کی انگریز بیوی سوزانہ ترکیوتے کے ہاں جنم لینے والی کترینا کا اصل نام کترینا ترکیوتے تھا۔