نوروز کا تہوار، ایک صدیوں پرانی روایت

دنیا کے تقریبا 30 کروڑ انسان یہ تہوار مناتے ہیں۔ اس روایت کا تعلق صدیوں پرانے زرتشتی مذہب سے ہے۔ آج بھی یہ تہوار ایران، افغانستان، تاجکستان، آذر بائیجان، ترکی، چین اور عراق کے کچھ علاقوں میں منایا جاتا ہے۔

نوروز قدیم ایران میں نہ صرف نئے سال بلکہ بہار کا بھی آغاز ہوتا تھا۔ رواں برس کئی ملکوں میں یہ تہوار 20 مارچ کو منایا گیا۔ افغانستان کے دارالحکومت کابل میں اہتمام کردہ ایک تقریب کا منظر۔

کئی ہفتے پہلے ہی اس جشن کی تیاریاں شروع کر دی جاتی ہیں۔ مختلف ممالک میں اسے منانے کے انداز بھی مختلف ہیں۔

اس روز ’س‘ سے شروع ہونے والے سات کھانے میز پر سجائے جاتے ہیں۔ میز کو عام طور پر ہاتھ سے بنُے کپڑے سے ڈھانپا جاتا ہے۔ اس کے علاوہ زندگی کے عکس کی علامت کے طور پر ایک آئینہ بھی ساتھ رکھا جاتا ہے۔

اس روز ایک روایتی کھانا بھی پکایا جاتا ہے، جو مچھلی، چاول، خراسانی اجوائن اور پیاز سے تیار کیا جاتا ہے۔

جرمنی میں ایرانی نوجوان نئے ایرانی سال کا آغاز آگ کے ایک الاؤ کے اوپر سے چھلانگ لگاتے ہوئے کرتے ہیں۔ اس کا یہ مطلب بھی ہے کہ پرانی چیزوں کو چھوڑتے ہوئے نئے سال کا آغاز کیا جائے۔

اس تہوار سے پہلے گھر کی اچھے طریقے سے صفائی کی جاتی ہے۔ طویل موسم سرما کے بعد قالین دھوپ اور کھلی ہوا میں رکھ دیے جاتے ہیں۔

تاجکستان میں نوروز کے دن خاص رقص کیا جاتا ہے۔ دارالحکومت دوشنبے کے اسٹیڈیم میں لوگ جمع ہوتے ہیں اور خواتین رقص کرتی ہیں۔

ترکی میں مقیم کرد بھی یہ تہوار بڑے اہتمام سے مناتے ہیں۔ اس موقع پر ہر کوئی نئے کپڑے پہنتا ہے۔ ایک دوسرے کو کھانے کی دعوتوں پر بلایا جاتا ہے جبکہ بچوں کو نقد رقوم اور مٹھائیاں دی جاتی ہیں۔