ملازمہ پر تشدد، سابق جج اور اہلیہ کو قید کی سزا

نیوز ایجنسی اے پی سے موصول ہونے والی رپورٹ کے مطابق اسلام آباد ہائی کورٹ کے جسٹس عامر فاروق نے سابق جج اور ان کی اہلیہ کو جیل کی سزا کے علاوہ پچاس پچاس ہزار روپے بطور جرمانہ بھی جمع کرانے کا حکم دیا۔

نائب ضلعی جج راجہ خرم اور ان کی اہلیہ ماہین اس وقت خبروں میں آئے جب 2016ء میں پولیس نے ان کے گھر سے طیبہ نامی دس سالہ ملازمہ کو بچانے کے لیے ان کے گھر چھاپہ مارا۔ پولیس نے یہ اقدام پڑوسیوں کی شکایت پر کیا تھا۔ کیس کے آغاز میں ملازمہ کے والدین نے ان میاں بیوی کے ساتھ عدالت سے باہر سمجھوتہ کر لیا تھا لیکن سپریم کورٹ نےاس کیس کو دوبارہ کھولنے کا حکم دے دیا تھا۔

اس کیس پر اپنا تبصرہ دیتے ہوئے صحافی امیر عباسی نے ٹوئٹر پر لکھا،’’ایسے فیصلے پاکستان جیسے معاشرے میں امید کی ایک کرن ہیں۔ یہ ایک سچ ہے کہ صرف وہی معاشرے ترقی کرتے ہیں جہاں قانون کی عمل درای ہو نہ کہ انسانوں کی۔‘‘

کمسن ملازمہ کے ساتھ ناروا سلوک، مکمل تحقیقات کا حکم

پاکستان میں گھریلو ملازمہ کو زندہ جلا دیا گیا

صحافی عمر قریشی نے لکھا،’’میرا شمار ان لوگوں میں ہے، جنہوں نے پہلی مرتبہ طیبہ کی تصویر کو سوشل میڈیا پر شیئر کیا تھا جس کے بعد مجھے دھمکیاں دی گئی تھیں۔‘‘

سوشل میڈیا صارف روبینہ ظاہری نے لکھا،’’ طیبہ کو انصاف مل گیا۔‘‘

ب ج/ ع ت (اے پی)