مانچسٹر میں دہشت گردی کا نشانہ بننے والوں کی یاد میں کنسرٹ
مانچسٹر میں قبل دہشت گردی کا نشانہ بننے والوں کی یاد میں ایک کنسرٹ کا اہتمام کیا گیا۔ اس میں آریانا گراندے سمیت امریکا کے پوپ گلوکاروں نے بھی شرکت کی۔ گراندے کے کنسرٹ کے دوران ہی مانچسٹر میں خود کش حملہ ہوا تھا۔
آریانا گراندے ایک مرتبہ پھر مانچسٹر میں
آریانا گراندے نے مانچسٹر حملے کے بعد ہی ایک مرتبہ پھر اس شہر میں ایک بینیفِٹ کنسرٹ کرنے کا اعلان کیا تھا۔ اتوار کے روز انہوں نے ’ون لوو ٹریبیوٹ کنسرٹ‘ کے آغاز پر کہا،’’ Manchester, we´re gonna be all right‘‘۔ اس کنسرٹ سے ہونے والی آمدنی دہت گردانہ حملوں کے متاثرین میں تقسیم کی جائے گی۔
معروف فنکاروں کا اظہار یکجہتی
یہ کنسٹرٹ اولڈ ٹریفرڈ کرکٹ گراؤنڈ میں منقعد ہوا۔ آریانا گراندے کے ساتھ ساتھ جسٹن بیبر،کیٹی پیری، کولڈ پلے، ٹیک دیتھٹ اور میلے سائرس بھی شریک ہوئے۔ سابقہ اوئیسس نامی گروپ کے لائم گیلیگہر بھی اچانک اسٹیج پر آئے۔ گیلیگہر کو مانچسٹر کا معروف ترین گلوکار بھی کہا جاتا ہے۔
روبی ولیمز بھی اسٹیج پر
برطانوی گلوکار روبی ولیمز نے بھی اولڈ ٹریفرڈ اسٹیڈیم میں اپنے فن کا مظاہرہ کیا۔ انہوں نے گراؤنڈ میں موجود پچاس ہزار سے زائد شائقین کے ساتھ مل کر ’’Manchester we´re strong... we´re still singing our song‘‘نامی گیت گایا۔
ایک ساتھ کھڑے ہیں
اس کنسرٹ کے موقع پر لی گئی اس تصویر میں موسیقی کی دو شائق خواتین ایک پولیس اہلکار کے ساتھ کھڑی ہیں۔ ہفتے کے روز لندن میں ہونے والے دہشت گردانہ حملے کے بعد اس تقریب کے بھی منسوخ ہونے کا خطرہ پیدا ہو گیا تھا۔
سخت حفاظتی انتظامات
کنسرٹ کے مرکزی دروازے پر ایک مسلح پولیس اہلکار کھڑا ہے۔ پولیس کی جانب سے پہلے ہی سخت حفاظتی انتظامات کا اعلان کر دیا گیا تھا اور اس مقصد کے لیے اضافی اہلکار بھی تعینات کیے گئے تھے۔
دہشت گردی کے خلاف متحد
اس کنسرٹ کا پیغام ہر طرح کی دہشت گردی کے خلاف متحد ہونا اور اسے مشترکہ طور پر مسترد کرنا تھا۔ کنسرٹ کو دنیا کے کئی ممالک میں ٹیلی وژن اور انٹرنیٹ پر دکھایا گیا۔ برطانوی ریڈ کراس کے مطابق اس کنسرٹ سے دس ملین پاؤنڈ کی آمدنی ہوئی۔ یہ تمام رقم ’وی لَو مانچسٹر‘ نامی اُس ہنگامی فنڈ میں جمع کرا دی گئی ہے، جو مانچسٹر حملوں کے متاثرین کے لیے قائم کیا گیا ہے۔