فلپائن، بل بورڈ پر پورن ویڈیو کلپ نشر

جرمن خبررساں ادارے ڈی پی اےکے مطابق فلپائن کے شہر مکاتی کی مصروف ترین شاہرا پر واقع  ایک عمارت پر لگے ایک بل بورڈ کی اسکرین پر اچانک ایک جوڑے کا فحش کلپ نشر کردیا گیا تھا۔ مقامی اہلکاروں کے مطابق چند لمحوں بعد اس ویڈیو کو روک دیا گیا۔ تاہم اس غیر معمولی صورتحال کے دوران راہ چلتے لوگوں کی جانب سے اس بل بورڈ پر چلتی ویڈیو کی تصاویر بنا لیں، جسے انہوں نے بعد ازاں سماجی رابطوں کی ویب سائٹس پر شیئر کر دیا۔ 

بچوں کے فحش جنسی مواد والی ویب سائٹ کا پتہ کیسے چلایا گیا؟

جس کے موبائل میں فحش فلمیں ہوں گی پکڑا جائے گا

مکاتی شہر کی ناظم ابیگالی بینے نے اس بل بورڈ کے مالکان کو بل بورڈ  پر اشتہاری مواد نشر کرنے سے منع کر دیا۔ خبر رساں ادارے ڈی پی اے کو ابیگالی بینے نے بتایا کہ ابتدائی تفتیش کے مطابق  ’بل بورڈ سسٹم کو نامعلوم  افراد نے ہیک کر لیا تھا‘۔ ان کا مزید کہنا تھا کہ ’تفتیش مکمل ہونے تک یہ بل بورڈ بند رہے گا‘۔

 

کیتھولک مسیحوں کی اکثریت  والے ملک فلپائن میں پورن فلموں پر مکمل پابندی ہے۔  فلپائن میں نشریاتی اداروں کی جانب سے ٹیلی ویژن پروگرام اور فلموں میں فحاشی یا پھر تشدد پر مبنی ہر قسم کے مواد پر کڑی نظر رکھی جاتی ہے۔