فلسطینی علاقے غزہ میں بجلی کے بحران کی بڑی وجہ اسرائیل اور مصر کی طرف سے اس علاقے کی طویل عرصے سے جاری ناکہ بندی کے علاوہ فلسطینی اتھارٹی اور غزہ میں حکمران حماس کے درمیان جاری سیاسی ٹکراؤ بھی ہے۔ اقوام متحدہ کی طرف سے اس علاقے میں انسانی بحران پیدا ہونے کے خطرے سے خبردار کیا گیا ہے۔ مصر نے غزہ کو ایندھن کی فراہمی شروع کی ہے۔ لیکن غزہ کے زیادہ تر باسیوں کو اب بھی یہی خدشہ ہے کہ یہ حل محض عارضی ہے۔