عالمی سلامتی کونسل میں جرمنی کے لئے مستقل نشست کا معاملہ
11 جولائی 2006
اقوامِ متحدہ کے سیکریٹری جنرل کوفی عنان نے عالمی سلامتی کونسل میں مستقل نشست کے لئے وفاقی جرمن حکومت کی کوششوں کی تائید و حمایت کی ہے۔ جرمن شہر بون میں چانسلر انگیلا میرکل کے ساتھ ایک ملاقات کے بعد عنان نے کہا کہ اقوامِ متحدہ میں جرمنی کا کردار قائدانہ نوعیت کا ہے۔ ایسے میں یہ غیر منصفانہ بات ہے کہ وہ ممالک سلامتی کونسل میں نہ ہوں، جو اقوامِ متحدہ کے لئے ایک اہم کردار ادا کرتے ہوں۔
https://p.dw.com/p/DYKq
اشتہار
بعد ازاں ایک شاندار تقریب کے ساتھ میرکل اور عنان نے اقوامِ متحدہ کے نئے کیمپس کا افتتاح کیا۔ ڈوئچے وَیلے کی عمارت کے پہلو میں واقع کثیر منزلہ عمارت، جہاں کبھی جرمن پارلیمانی اراکین کے دفاتر ہوا کرتے تھے، اب اقوامِ متحدہ کے اُن گیارہ ذیلی اداروں کا نیا ہیڈکوارٹر ہے، جن کے دفاتر بون میں ہیں۔