دو سالہ بیٹی کو سڑک پر پٹخ دیا، ماں گرفتار

جرمنی کے جنوبی صوبے باڈن ورٹمبرگ سے اتوار چھ مئی کو موصولہ نیوز ایجنسی ڈی پی اے کی رپورٹوں کے مطابق یہ واقعہ اسی صوبے کے دارالحکومت اشٹٹ گارٹ میں ہفتہ پانچ مئی کو پیش آیا۔ پولیس کے مطابق اس خاتون نے اپنے ساتھ فٹ پاتھ پر چلنے والی اپنی دو سالہ بیٹی کو طیش میں آ کر سڑک پر پٹخ دیا، جس کے نتیجے میں اس بچی کو سر پر گہرے زخم آئے۔

’بچوں سے جنسی زیادتی‘: پوپ کے معتمد کارڈینل پر مقدمہ چلے گا

چین میں اسکول کے بچوں پر چاقو سے حملہ، نو بچے ہلاک

بھارت: بچوں کو ریپ کرنے والے مجرمان کے لیے سزائے موت کا آرڈینینس

بچی کو فوری طور پر ہسپتال پہنچا دیا گیا تھا، جہاں وہ ابھی تک زیر علاج ہے۔ بچی کی ماں کو پولیس نے حراست میں لے لیا تھا، جسے آج اتوار کے روز ایک مقامی عدالت میں پیش کر دیا گیا۔ عدالت کی طرف سے اس خاتون کی باقاعدہ گرفتاری کے حکم کے بعد اس وقت ملزمہ پولیس کی تفتیشی حراست میں ہے۔

اشٹٹ گارٹ پولیس اور دفتر استغاثہ نے بتایا کہ ملزمہ پر اقدام قتل کا شبہ ہے کیونکہ اس نے ایک مقامی سپر مارکیٹ کے سامنے اپنی دو سالہ بیٹی کو ہوا میں اٹھا کر قریب سے گزرنے والی سڑک پر پھینک دیا تھا۔ خوش قسمتی سے اس وقت اس سڑک پر ٹریفک کم تھی اور یہ بچی کسی گاڑی کے نیچے آ کر کچلی جانے سے بچ گئی۔

سندھ میں اسٹریٹ چلڈرن سے متعلق قانون سازی پر اظہار اطمینان

جرمنی: ماں نے دو بچے قتل کر کے برسوں تک لاشیں فریزر میں چھپائیں

پولیس کے مطابق فی الحال یہ واضح نہیں کہ یہ خاتون اس جرم کی مرتکب کیوں ہوئی تاہم اس کے خلاف اپنی ہی بچی کو ہلاک کرنے کی کوشش کے شبے میں تفتیش جاری ہے۔

م م / ع ح ق / ڈی پی اے