جدید سائنسی ٹیکنالوجی زمین کے اندر کی حدت اور بھاپ کو قابل تجدید توانائی کی ایک بہترین صورت کے طور پر استعمال کرنے میں مدد دے رہی ہے۔ لیکن اگر ماحولیاتی قوانین کا خیال نہ رکھا جائے، تو یہ جیوتھرمل توانائی خود ماحول کے لیے نقصان دہ بھی ثابت ہو سکتی ہے۔ کینیا کے ایک نیشنل پارک کی جنگلی حیات جیوتھرمل مشینوں کے شور سے پریشان ہے کیوں کہ یہاں ایک کمپنی نے ماحولیات کے تحفظ کے قوانین کو نظرانداز کیا۔