جرمنی میں گاڑی چلانے کے اصول
جرمنی دنیا میں صرف اپنی گاڑیوں کے لیے ہی مشہور نہیں بلکہ اپنی شاہراہوں کے حوالے سے بھی شہرت رکھتا ہے۔ اس سے پہلے کہ آپ جرمنی کی کسی شہراہ پر اپنی گاڑی چلائیں، ان چند اصولوں کو مدنظر رکھیں۔
لائسنس رکھنے کی عمر
جرمنی وہ واحد یورپی ملک ہے جس نے اپنی اکثر شاہراہوں کے لیے تیز رفتاری کی قید نہیں رکھی ہے۔ یہاں موٹر وے کے انتہائی بہترین نظام ان شاہراہوں پر پُر سکون سفر کی دعوت دیتے ہیں۔ یہاں کسی لیگل گارڈین کی موجودگی میں گاڑی چلانے کے لیے 17 برس کی عمر میں ڈارئیونگ لائسنس حاصل کیا جا سکتا ہے۔ بغیر کسی گارڈین کی موجودگی میں لائسنس حاصل کرنے کی لیے کم سے کم 18 برس کی عمر کا ہونا ضروری ہے۔
ٹریفک میں اضافہ
جرمنی کی آٹو موبائل ایسوسی ایشن کے مطابق سن 2015ء کے مقابلے میں اب ٹریفک کے دباو میں 15 فیصد اضافہ ہوا ہے۔ یعنی منزل مقصود تک پہنچنے کے لیے اب زیادہ وقت درکار ہوتا ہے۔
گاڑی کی رفتار
اگر پیچھے سے آنے والی گاڑی آپ کو مسلسل ہارن دے کر اپنی گاڑی کی اسپیڈ بڑھانے کے لیے دباو میں لا رہی ہے تو اس سے ہر گز نہ متاثر نا ہوں۔ اگر آپ فاسٹ لین میں نہیں ہیں تو آپ اپنی رفتار پر برقرار رہ سکتے ہیں۔
کیمروں سے ہوشیار!
جرمنی میں اسپیڈ کیمروں کا کثرت سے استعمال کیا جاتا ہے۔ ڈبے کی شکل میں سڑک کنارے نصب کیمرے گاڑیوں کی رفتار کی حد کو جانچتے رہتے ہیں۔ اگر آپ رفتار کی حد کی خلاف ورزی کرتے ہیں تو گاڑی کا چالان، ان کیمروں سے قید کی گئی ڈارئیونگ سیٹ پر آپ کی تصویر اور گاڑی کی نمبر پلیٹ کی تفصیل گھر پر پہنچا دی جاتی ہے۔
سیل فون کا استعمال
اگر آپ ڈرائیونگ کے دوران موبائل فون ہاتھ میں تھامے نظر آئے تو اس پر سو یورو جرمانے کے علاوہ ڈرائیور لائسنس سے ایک پوائنٹ حذف کر دیا جاتا ہے۔ اگر گاڑی کسی حادثے کا باعث بنی ہے تو جرمانے میں اضافے کے علاوہ لائسنس سے بھی ہاتھ دھونا پڑتا ہے۔ یہ جرمانے موبائل فون استعمال کرنے والے سائکل سواروں پر بھی لاگو ہیں۔
مدد کو راستے نہ دینے پر جرمانہ
اگر کسی سڑک پر ٹریفک جام ہے تو ایمبولینس اور پولیس کے لیے ایک لین میں جگہ بنانا لازمی ہے۔ ایسا نہ کرنے والی گاڑیوں پر دو سو یورو جرمانہ عائد ہو سکتا ہے۔
ہوشیار رہیئے
اگر آپ کی گاڑی خراب ہو جائے یا کوئی ایکسیڈنٹ ہو تو وارنگ سگنل دینا لازمی ہے۔ یعنی گاڑی کے اندر سڑک پر رکھنے والی نارنجی تکون رکھنا، روشنی پڑنے پر چمکنے والی جیکٹ پہنا لازمی ہے۔ اس کے علاوہ گاڑیوں میں فرسٹ ایڈ کٹ رکھنا بھی لازمی ہے۔