بھارتی ریاست آسام میں سلسلہ وار بم دھماکوں میں ساٹھ سے زائد افراد ہلاک

مختلف شہروں کے مصروف بازا روں میں یہ دھماکے اس وقت ہوئے جب بازاروں میں لوگوں کو ہجوم تھا۔ زخمیوں میں سے کئی افراد کی حالت نازک ہے خدشہ ظاہر کیاجارہاہےکہ ہلاک ہونے والوں کی تعداد میں اضافہ ہو سکتا ہے۔

اب تک کسی گروپ نے دھماکوں کی ذمہ داری قبول نہیں کی ہے۔ تاہم اس سے قبل آسام میں ہونے والے بم دھماکوں کے الزامات، ریاست کی خود مختاری کے لئے دہلی حکومت سے برسرپیکار یونائٹیڈ لیبریشن فرنٹ آف آسام پرعائد کئے گئے تھے۔

بھارت میں یکے بعد دیگر ے دھماکوں کا سلسلہ گزشتہ کئی مہینوں سے جاری ہے جس کے باعث بھارتی عوام میں شدید خوف وہراس پایاجاتاہے۔ چھ ہفتے قبل بھارتی دارلحکومت نئی دہلی میں ہونے والے دھماکوں میں بھی بیس سے زائد افراد ہلاک ہو ئے تھے۔