بھارت میں لڑکے زیادہ، لڑکیاں کم : UNICEF کی رپورٹ
12 دسمبر 2006� میں 882 لڑکیاں ہے۔
آج کل بھارت میں روزانہ 71 ہزار بچے دُنیا میں آتے ہیں، جن میں سے صرف 31 ہزار لڑکیاں ہوتی ہیں جبکہ عالمی اوسط کے حساب سے یہ تعداد 38 ہزار ہونی چاہیے۔ اقوامِ متحدہ کے ماہرین کے مطابق بھارت کے 80 فیصد اضلاع میں یہ صورتِ حال خراب سے خراب تر ہوتی جا رہی ہے، خاص طور پر شمالی ریاستوں ہریانہ اور پنجاب کے 14 اضلاع میں۔
یونیسیف کی رپورٹ کے مطابق بھارت کے زیادہ تر حصوں میں اُن قوانین کی خلاف ورزی کی جاتی ہے، جن میں پہلے سے بچے کی جنس کے تعین پر پابندی عاید ہے۔ اسی طرح قانون کی خلاف ورزی کرتے ہوئے بھارت میں تقریباً 45 فیصد خواتین کو اٹھارہ سال کی عمر سے پہلے ہی شادی کے بندھن میں بندھ جانے پر مجبور کیا جا تا ہے۔
یونیسیف کا کہنا ہے کہ پیدائش کے بعد بھی لڑکیوں کے ساتھ امتیازی سلوک جاری رکھا جاتا ہے اور خوراک، طبی سہولتوں اور تعلیم تک اُنہیں محض محدود رسائی ہی مل پاتی ہے۔