بھارت میں جنوب مشرقی ایشیائی ملکوں کی تنظیم کا سربراہ اجلاس

بھارتی وزیراعظم نریندر مودی نے اس اجلاس میں شریک ہونے والے جنوبی ایشیائی ملکوں کے لیڈروں کو یوم جمہوریہ کی خصوصی فوجی پریڈ دیکھنے کی بھی دعوت دی ہے۔ بھارت کا یوم جمہوریہ ہر سال چھبیس جنوری کو جوش و خروش سے منایا جاتا ہے۔ اس کا اندازہ لگایا گیا ہے کہ بھارتی یوم جمہوریہ کی پریڈ کے موقع پر بین الاقوامی لیڈروں کا یہ سب سے بڑا اجتماع ہو گا۔

منیلا آسیان کانفرنس، نگاہیں ٹرمپ مودی ملاقات پر

ٹرمپ کا شمالی کوریائی رہنما پر ایک اور استہزائیہ وار

آسیان : آخری روز ’بحیرہٴ جنوبی چین‘ کا موضوع ہی چھایا رہا

آسیان سربراہی اجلاس: چین پر تنقید

ابھی تک کی معلومات کے مطابق آسیان کی سمٹ میں میانمار کی نوبل انعام یافتہ خاتون سیاستدان آنگ سان سوچی، انڈونیشیا کے صدر جوکو ویدودو اور فلپائن کے صدر روڈریگو ڈوٹیرٹے کی شرکت یقینی ہے۔ بھارت پہلے ہی مشرق بعید کے ممالک ویتنام، سنگاپور، انڈونیشیا، ملائیشیا اور تھائی لینڈ کے ساتھ گہرے بحری تعلقات رکھتا ہے۔

اجلاس کے حوالے سے ایک بھارتی اہلکار کا کہنا ہے کہ سمٹ میں کھلے سمندروں میں تجارتی بحری جہازوں کی آزادانہ نقل و حرکت پر خصوصی توجہ مرکوز کی جائے گی۔ بھارتی وزارت خارجہ کے ایک سینیئر اہلکار نے نام مخفی رکھنے کی شرط پر بتایا کہ اس سربراہ اجلاس میں شریک لیڈران ممالک کے گہرے بحری تعلقات اور سمندری سلامتی کی موجودہ صورت حال پر گفتگو کریں گے۔

یہ بھی ایک حقیقت ہے کہ بحیرہ جنوبی چین پر چین کی حاکمیت کے دعوے کے بعد سے اس خطے کے کئی ملکوں میں تناؤ کی کیفقیت پائی جاتی ہے۔ اس باعث کئی ملکوں نے چین کے ساتھ تنازعاتی صورت حال پیدا کر رکھی ہے۔

بھارتی حکومت ’’ایکٹ ایشیا یا عمل کرو ایشیا‘‘ کی پالیسی کی ترویج جاری رکھے ہوئے ہے۔ تجزیہ کاروں کا خیال ہے کہ بھارتی حکومت کی پالیسی کو ابھی تک زیادہ پذیرائی حاصل نہیں ہو سکی ہے اور اُس کی وجہ مشرق بعید کے ملکوں میں چین کا بھاری اثر و رسوخ ہے۔ یہ بھی ایک حقیقت ہے کہ مشرقی بعید کے ملکوں کے ساتھ چین کا تجارتی حجم بھارت کے مقابلے میں چھ گنا زیادہ ہے۔