باجوڑ کے پناہ گزین
26 اگست 2008اشتہار
ملٹری آپریشن کی وجہ سے باجوڑ سے نقل مکانی کرنے والے مقامی لوگوں کو درپیش مسائل انسانی المیے کی شکل اختیار کرتے جا رہے ہیں۔ اقوام متحدہ کے پناہ گزینوں کے امور کے ادارے UNHCR کے اعداد و شمار کے مطابق گزشتہ تین ہفتوں کے دوران ان پناہ گزینوں کی تعداد ڈھائی سے تین لاکھ ہو چکی ہے۔اس ادارے نے باجوڑ پناہ گزینوں کی صورتحال کو تشویش ناک قرار دیا ہے۔ ڈوئچے ویلے شعبہ اردو سے قرة العین نے باجوڑسے قومی اسمبلی کے رکن سید اخن زادہ چٹان سے بات کی تو انہوں نے کہا کہ باجوڑ سے ہجرت کرنے والوں کی تعداد چھ لاکھ ہے اور اقوام متحدہ اور حکومتی اعدادو شمار درست نہیں۔