1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

T20 ورلڈ کپ: پاکستانی ٹیم ویسٹ انڈیز روانہ

پاکستانی ٹیم کے کپتان شاہد آفریدی اور کوچ وقار یونس نے امید ظاہر کی ہے کہ وہ عالمی ٹوئنٹی 20 ٹورنامنٹ جیتنے میں کامیاب ہوجائیں گے۔ شاہد آفریدی اور وقار یونس نے یہ بات ویسٹ ایڈیز روانگی سے قبل صحافیوں سے بات چیت میں کہی۔

default

پاکستانی ٹیم کے کپتان شاہد خان آفریدی

انہوں نے کہا کہ پوری قوم کی توقعات اور امیدوں کا مرکز کرکٹ ٹیم ہے اور ٹیم کے تمام ارکان کو اس بات کا احساس ہے۔ ’’ہمیں امید ہے پوری قوم کا ساتھ ہمارے لئے حوصلہ افزاء ہوگا۔‘‘

30 اپریل سے شروع ہونے والے ٹی 20 ورلڈ کپ میں بارہ ٹیمیں شریک ہو رہی ہیں۔ یہ مقابلے 16 مئی تک جاری رہیں گے۔ دفاعی چیمپیئن پاکستان کو گروپ اے میں رکھا گیا ہے اور وہ اپنا میچ پہلا یکم مئی کو بنگلہ دیش کی ٹیم کے خلاف کھیلے گا۔ دونوں گروپوں سے چار چار ٹیمیوں اگلے مرحلے کے لئے کوالیفائی کریں گے۔

Kricket Waqar Younis

کوچ وقار یونس ٹیم کی جیت کے لئے خاصے پرامید ہیں

حال ہی میں انتخاب عالم کی جگہ ذمہ داریاں سنبھالنے والے پاکستانی ٹیم کے کوچ وقار یونس کاکہنا ہے کہ تمام میچ اہمیت کے حامل ہوں گے اور ٹیم کسی میچ کو آسان تصور نہیں کرے گی۔ رواں برس فروری میں دورہ آسٹریلیا میں پاکستانی ٹیم کی بدترین کارکردگی کے بعد متعدد کھلاڑیوں سمیت کوچ انتخابات عالم کو ٹیم سے علیحدہ کر دیا گیا تھا۔

وقار یونس نے کہا کہ کھلاڑی پوری طرح سے تیار ہیں اور انہیں یقین ہے کہ پاکستانی ٹیم ٹورنامنٹ کی فاتح ہوگی۔ ’’ہماری ایک متوازن ٹیم ہے۔ اگر ہم اپنی حکمت عملی کے مطابق چلے، صحیح بولنگ ہوئی اور بیٹنگ طے شدہ منصوبہ بندی کے مطابق کی گئی تو کوئی وجہ نہیں کہ ہم دوبارہ نہ جیت پائیں۔ مگر ہمیں پاکستانی عوام کی دعاؤں کی بھی ضرورت ہے۔‘‘

وقار یونس نے کہا کہ پاکستانی ٹیم میں شاہد آفریدی، سعید اجمل، محمد حفیظ اور عبدالرحمان بطور ریگولر سپنر شریک ہیں اور یہ ویسٹ انڈیز کی پچ پر بہترین کارکردگی دکھا سکتے ہیں۔

رپورٹ : عاطف توقیر

ادارت : افسر اعوان

DW.COM