1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

’Cebit‘ کمپیوٹر کے شعبے کی سب سے بڑی نمائش

ایک نئے سیبِٹ ’ Cebit‘ تصورکے ساتھ جرمن شہر ہنوور میں کمپیوٹر کے شعبےکے دنیا کے سب سے بڑے میلے کا افتتاح آج ہو رہا ہے۔ افتتاحی تقریب کے مہمان خصوصی جرمن چانسلر انگیلا میرکل اور ترک وزیراعظم رجب طیب ایردوان ہوں گے۔

default

جرمن شہر ہنوور میں ہر سال کمپیوٹر کے شعبے کا سالانہ تجارتی میلہ Cebit منعقد ہوتا ہے۔ اس مرتبہ اس میلے کا مہمان ملک ترکی ہے۔ یہی وجہ ہے کہ اس نمائش کا افتتاح جرمن چانسلرانگیلا میرکل اور ترک وزیراعظم رجب طیب ایردوان کے ہاتھوں ہو گا۔ افتتاحی تقریب کے ساتھ ہی اس میلے کے دروازے صحافیوں، تاجروں، بڑی کمپنیوں اور اس شعبے سے منسلک اہم شخصیات کے لیے کھول دیے جائیں گے جبکہ عام شائقین یکم مارچ سے اس میں شریک ہو سکیں گے۔

CeBIT 2010 IBM Stand

انتظامیہ کو امید ہے کہ اس مرتبہ تین لاکھ سے زائد افرادCebit کو دیکھنے آئیں گے

گزشتہ برسوں کے دوران آئی ٹی کے شعبے میں ہونے والی ترقی کی وجہ سے ہنوورمیں سجایا جانے والا یہ میلہ وقت کے ساتھ ساتھ ایک بہت ہی نمایاں حیثیت اختیار کر گیا ہے۔ تاہم حالیہ اقتصادی بحران کا اثراس میلے پر بھی پڑا۔ گزشتہ برس شائقین اور نمائش کنندگان کی تعداد میں واضح کمی محسوس کی گئی۔

اس مرتبہ انتظامیہ کو امید ہے کہ تین لاکھ سے زائد افراد Cebit دیکھنے آئیں گے۔ انتظامیہ کے بقول2011ء میں 4200 سے زائد کمپنیاں شرکت کر رہی ہیں، جوگزشتہ برس کے مقابلے میں ایک نمایاں اضافہ ہے۔

امسالہ Cebit میں مرکزی اہمیت کلاؤڈ کمپیوٹنگ کو حاصل رہے گی۔ کلاؤڈ کمپیوٹنگ دراصل کمپیوٹیشن، ڈیٹا تک رسائی اور اسٹوریج سروسز کو واضح کرتی ہے، جس کے لیے حتمی صارف کے مقام اور سروسز فراہم کرنے والے سسٹم کی کنفیگریشن کا پتہ ہونا درکار نہیں۔ کئی برسوں سے سرچ انجن گوگل اور دیگر ادارے اسی اصول پر کام کر رہے ہے۔

عام طور پر USB اسٹک کے استعمال کو کمپوٹر کے لیے ایک سکیورٹی رسک تصور کیا جاتا ہے ۔ اس مسئلے کے حل کے لیے کنگسٹن نامی کمپنی اپنی نئی یو ایس بی اسٹک کے ساتھ ہنوور میں موجود ہے۔ اس اسٹک کا استعمال ہر طرح سے محفوظ ہے۔

CeBIT 2011 Messe Computer Hannover Partnerland Türkei NO FLASH

اس مرتبہ سیِبٹ کا مہمان ملک ترکی ہے

کمپیوٹر اور ٹیلی کمیونیکیشن شعبے کے دنیا کے اس سب سے بڑے میلے کو چار مختلف حصوں میی تقسیم کیا گیا ہے، ایک حصہ ’Pro‘ ہے، جو تاجروں اور شعبے کے ماہرین کی دلچسپی کے لیے ہے۔ پھر ’ Gov ‘، جہاں سرکاری شعبے کے حوالے سے چیزیں رکھی گئی ہیں۔ اسی طرح ’ Lab ‘، جوتحقیق سے متعلق ہے اور آخر میں نمبر آتا ہے ’ Life‘ کا، جہاں عام صارفین کی دلچپسی کو مدنظر رکھا گیا ہے۔

رپورٹ: عدنان اسحاق

ادارت: امتیاز احمد

ویب لنکس