1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

یہ حملہ شام کے لیے ہے، پیرس حملہ آور کا نعرہ

پیرس میں ایک شخص نے ہتھوڑے کے ساتھ ایک پولیس افسر پر حملہ کرنے کی کوشش کی ہے، جسے گولی مار کر زخمی کر دیا گیا ہے۔ پیرس کی پولیس کے مطابق ناٹرے ڈیم کیتھیڈرل کے علاقے کو پولیس نے چھان بین کے بعد اب دوبارہ کھول دیا ہے۔

تازہ ترین اطلاعات کے مطابق حملہ آور نے مبینہ طور پر گولی لگنے سے پہلے یہ نعرہ لگایا تھا کہ ’یہ حملہ شام کے لیے ہے‘۔ مشتبہ حملہ آور کو پولیس کے جوابی فائر سے زخمی کرنے کے بعد قابو کر لیا گیا ہے۔ مشتبہ حملہ آور کو سینے میں زخم آئے ہیں اور اسے اب ہسپتال پہنچا دیا گیا ہے۔ فرانسیسی حکام کے مطابق اس واردات میں دہشت گردی کے پہلو کو نظر انداز نہیں کیا جا سکتا۔

 اس واقعے میں ایک پولیس اہلکار کے زخمی ہونے کی بھی تصدیق کر دی گئی ہے جبکہ فرانس کے دفتر استغاثہ نے دہشت گردی کے تناظر میں اپنا تفتیشی عمل شروع کر دیا ہے۔

Frankreich Notre Dame in Paris (Reuters/C. Platiau)

یہ علاقہ سیاحوں کی پسندیدہ ترین منزلوں میں سے ایک ہے

 ناٹرے ڈیم کیتھیڈرل پیرس کے اس علاقے میں آتا ہے، جہاں دیگر تاریخی مقامات بھی واقع ہیں اور یہ علاقہ سیاحوں کی پسندیدہ ترین منزلوں میں سے ایک ہے۔ اس مبینہ حملے کے وقت ناٹر ڈیم کیتھیڈرل میں ایک ہزار کے قریب لوگ موجود تھے۔

پولیس حکام کے مطابق مبینہ حملہ آور کے پاس سے نائجیریا کے ایک طالب علم کا شناختی کارڈ ملا ہے۔ ابتدائی اطلاعات کے مطابق یہ حملہ تنہا طور پر کیا گیا ہے۔ ایمانوئل ماکروں کے صدر بننے کے بعد یہ ایسا پہلا حملہ ہے۔