1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

یو ایس اوپن: نادال کوارٹر فائنلز میں

عالمی نمبر تین ہسپانوی کھلاڑی رافائل نادال نے یو ایس اپن ٹینس کے پری کوارٹر فائنل مقابلے میں فرانس کے گائل مونفیلز کو شکست دے کر کوارٹر فائنل میں جگہ بنا لی ہے۔

default

کئی مہینوں سے فٹنس مسائل کا شکار رافائل نادال اس میچ میں اپنی اسی فارم میں نظر آئے، جو ان سے منسوب کی جاتی ہے۔ نادال نے فرانسیسی کھلاڑی کو تین سات، چھ سات، چھ تین، چھ ایک اور چھ تین سے بآسانی ہرا دیا۔ کوارٹر فائنل میں رافائل نادال کا مقابلہ چلی کے فرنانڈو گونزالیز سے ہو گا۔

عالمی نمبر تیرہ مونفیلز نے اس سال کے آغاز میں نادال کو ایک ٹورنامنٹ میں شکست دی تھی، تاہم یو ایس اوپن کے پری کوارٹر فائنل میں وہ نادال کے خلاف بہتر کھیل کا مظاہرہ نہیں کرسکے۔

Roger Federer

عالمی نمبر ایک راجر فیڈرر

گزشتہ روز عالمی نمبر ایک راجر فیڈرر نے بھی یوایس اوپن کے کوارٹرفائنلز کے لئے کوالیفائی کر لیا تھا۔ انہوں نے پیر کو مردوں کے ایک مقابلے میں اسپین کے ٹومی روبریڈو کو شکست دے کر کوارٹر فائنل میں اپنی جگہ بنائی۔

دوسری جانب خواتین کے مقابلوں میں امریکی کھلاڑی میلائن اوڈین بھی اپنے کیریئر میں پہلی مرتبہ اس چیمپئن شپ کے کوارٹر فائنلز میں پہنچی ہیں۔ انہوں نے روس کی نادیہ پیٹروا کو شکست دی۔

رپورٹ: انعام حسن

ادارت: کشور مصطفٰی