1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

یوکرائن میں نئے وزیر اعظم آزاروف، کابینہ بھی منظور

یوکرائن کی پارلیمان نے جمعرات کو نو منتخب صدر وکٹر یانوکووچ کے قریبی اتحادی میکولا آزاروف کو نیا ملکی وزیرِ اعظم منتخب کرلیا۔ اس کے علاوہ پارلیمنٹ نے نئی کابینہ کے ارکان کے ناموں کی منظوری بھی دے دی۔

default

صدر وکٹر یانوکووچ نو منتخب وزیرِ اعظم آزاروف کو مبارکباد دے رہے ہیں

یوکرائن کی 450 رکنی پارلیمنٹ کے 245 ارکان نے آزاروف کے حق میں ووٹ دیا جبکہ حاضر ممبران میں سے 240 نے نئے وزیرِاعظم کی منتخب کردہ کابینہ میں شامل ناموں کی منظوری بھی دے دی۔

سیاسی تجزیہ نگار پہلے ہی آزاروف کے وزیرِ اعظم بننے کی پیش گوئیاں کر رہے تھے۔ نو منتخب وزیرِاعظم نے اپنی نامزدگی کی پارلیمانی توثیق کے بعد کہا کہ ان کی پہلی ترجیح ملک کی مالیاتی حالت کو بہتر بنا کر اسے مضبوط کرنا ہو گی۔

Ukraine Wahlen Premierminister Mykola Asarow Kabinett Kiew Flash-Galerie

یوکرائن کی کابینہ کے ارکان

یوکرائن کے سابق صدر وکٹر یوشینکو کی اتحادی جماعتوں اور سابق وزیرِ اعظم یولیا ٹیموشینکو کی پارٹی کے ارکان نے کابینہ کی ارکان کی منظوری سے متعلق رائے شماری کا بائیکاٹ کیا۔

کی ایف میں نئی ملکی حکومت نو منتخب صدر وکٹر یانوکووچ کی Regions پارٹی، کمیونسٹ پارٹی آف یوکرائن اور پارلیمانی اسپیکرولادمیر لیٹون کی جماعت پر مشتمل ہے سیاسی اتحاد ہے۔ اس کے علاوہ کچھ آزاد پارلیمانی ارکان بھی یوکرائن کی اس نئی مخلوط حکومت کا حصہ ہیں۔

رپورٹ: عبدالستار

ادارت: مقبول ملک