1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

یونین کاربائیڈکےسابق سربراہ کی حوالگی کابھارتی مطالبہ

بھارتی وزیر برائے شہری ترقی جے پال ریڈی نے کہا ہے کہ نئی دہلی بھر پور کوشش کرے گا کہ امریکہ بھوپال حادثے کے تناظر میں یونین کاربائیڈ کمپنی کے چیف ایگزیکیٹو وارن اینڈرسن کو بھارت کے حوالے کرے۔

default

ریڈی اُس نو رکنی وزراء پینل کے رکن ہیں جو اِس بات کی تحقیق کر رہا ہے کہ گزشتہ حکومتوں نے بھوپال میں یونین کاربائیڈ کمپنی میں ہونے والے صنعتی حادثہ سے پہچنے والے نقصان، اس کے ازالے اور اِس واقعہ کے ذمہ داروں کو کیفرِ کردار تک پہنچانے کے لئے کیا اقدامات کئے۔

Indien Bhopal Protest

متاثرین کمپنی کے مالکان کے خلاف سخت سزاؤں کا مطالبہ کرتے رہے ہیں

اس صنعتی حادثے میں ہزاروں افراد ہلاک ہوئے تھے جب کہ اس صنعتی یونٹ سے نکلنے والی گیس کئی سالوں تک مقامی آبادی کی صحت کو متاثر کرتی رہی۔ اس کے علاوہ اس حادثہ سے ماحولیات کو بھی زبردست نقصان پہنچا۔

بھارت میں انسانی حقوق اور ماحول کے لئے کام کرنے والی کئی تنظیموں کا مطالبہ ہے کہ یونین کاربائیڈ کمپنی کے چیف ایگزیکیٹو وارن اینڈرسن بھی اس حادثے کے ذمہ داروں میں سے ایک ہیں، لہذا ان کو بھارت کے حوالے کیا جائے۔ ماضی میں بھارتی حکومتوں نے کئی بار اینڈرسن کی حوالگی کے لئے امریکہ سے مطالبات کئے لیکن واشنگٹن نے ان مطالبات کو تسلیم نہیں کیا۔

رپورٹ: عبدالستار

ادارت: افسر اعوان

DW.COM