1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

یورپ کی قدیم ترین تحریر یونان سے برآمد

ایک امریکی محقق کے مطابق جنوبی یونان کے ایک علاقے میں موجود قدیم کھنڈرات میں سے ایک مٹی کی تختی ملی ہے۔ اس تختی پر تین ہزار سال سے بھی زیادہ پُرانی تحریر کندہ ہے۔

default

ایتھنز میں قائم آکروپولس میوزیم

ماہرین کھنڈرات کا ماننا ہے کہ یہ یورپ کی ایسی قدیم ترین تحریر ہے جسے اب بھی پڑھا جا سکتا ہے۔

ماہرین کے مطابق اس تختی پر کندہ تحریر دراصل مالیاتی ریکارڈ ہے اور یہ 1600 قبل مسیح میں Mycenaean ثقافتی دورکی تہذیب کی عکاسی کرتا ہے۔ اسی نام سے جنوبی یونان میں ایک شہر بھی آباد تھا جو اب گمنام کھنڈرات کے سوا کچھ نہیں ہے۔

امریکی ریاست میسوری میں قائم یونیورسٹی آف میسوری سینٹ لوئی کے شعبہ علوم آثار قدیمہ کے شعبے سے تعلق رکھنے والے پروفیسر مائیکل کوسموپولُس نے کہا ہے کہ مٹی کی تختی پر کندہ تحریر اب تک برآمد ہونے والےاسی نوعیت کے قدیم نوادرات کے مقابلے میں کم از کم ایک صدی پُرانی ہے۔

Arapis Hügel in Athen

یونان میں بہت سے قدیم کھنڈرات پائے جاتے ہیں

اس تختی کے ایک طرف نام اور ہند سوں کی فہرست تحریر ہے جبکہ دوسری طرف خام مال سے تیار کی جانے والی اشیاء سازی سے متعلق معلومات درج ہے۔

دھوپ کی روشنی میں خُشک ہونے والی اس تختی کو مغربی جزیرہ نما Peloponese کے ایک پہاڑی گاؤں ’ اکلانیا‘ سے حاصل کیا گیا ہے۔ اس تختی پر درج تحریر دراصل تاریخ ما قبل کی یونانی رسم الخط میں لکھی گئی ہے۔

یونان میں آثار قدیمہ کی کھدائی کے اس کام پر، جس کے نتیجے میں یہ نایاب تختی برآمد ہوئی، آنے والے اخراجات نیشنل جیوگرافک سوسائٹی نے اُٹھائے جبکہ اس کی انجام دہی کی نگرانی کی ایتھنز آرکیولوجیکل سوسائٹی نے۔ یہ پراجیکٹ 2006 ء میں شروع ہوا تھا۔

رپورٹ: کشور مصطفیٰ

ادارت: مقبول ملک

DW.COM

ویب لنکس