1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

یورپ کی سلامتی کا روسی منصوبہ، میرکل کی حمایت

جرمن چانسلر انگیلا میرکل نے اپنے ہفتہ وار ویڈیو پیغام میں کہا ہے کہ یورپ کی سلامتی کے حوالے سے روس کی جانب سے سے پیش کئے گئے منصوبے کی حمایت جاری رہے گی۔

default

جرمن چانسلر اور روسی صدر: فائل فوٹو

جرمن چانسلر انگیلا میرکل نے اپنے ہفتہ وار ویڈیو پیغام میں کہا ہے کہ یورپ کی سلامتی کے حوالے سے روس کی جانب سے پیش کئے گئے منصوبے کی حمایت جاری رہے گی۔ اس حوالے سے جرمنی آئندہ ماہ لزبن میں ہونے والی نیٹو کانفرنس میں اس مشترکہ منصوبے کے موضوع کی حمایت کرے گا۔

Nato-Generalsekretär Anders Fogh Rasmussen

نیٹو کی سربراہ کانفرنس اگلے ماہ لزبن میں ہونا ہے

جرمن چانسلر انگیلا میرکل کا کہنا تھا کہ یورپی سلامتی کے حوالےسے روس نےجومنصوبہ پیش کیا ہے جرمنی اس کی حمایت جاری رکھے گا۔ روسی صدر دمیتری میدیویدیف نےحال ہی میں یورپ کی سلامتی کے لئے ایک منصوبہ پیش کیا تھا۔ یہ پہلا موقع ہےکہ مغربی دفاعی اتحاد نیٹو، جس میں امریکہ کی بالا دستی ہے، کے علاوہ کسی ملک کی طرف سے یورپ کی سلامتی کے مشترکہ لاحہ عمل کا منصوبہ پیش کیا گیا ہے۔

میرکل نے اپنے ہفتہ وار ویڈیو پیغام میں کہا :’’روسی صدرکے موسم گرما کے دورے میں ہم نے اس سلسلے میں پہلا قدم اٹھایا تھا، جس کی بنیاد تمام یورپی ممالک اور روس کے درمیان بہترین پارٹنر شپ پر رکھی جا سکتی ہے۔‘‘

میرکل نے کہا کہ سرد جنگ ہمشیہ ہمیشہ کے ختم ہو چکی ہے تاہم انہوں نے مزید کہا کہ یہ پارٹنرشپ بہرحال بین الاقیانوسی تعاون کی جگہ نہیں لے سکتی۔ یورپی یونین میں جرمنی کو روس کا سب سے قریبی پارٹنر تصورکیا جاتا ہے۔ تاہم یورپی یونین میں شامل دیگر ممالک خصوصا برطانیہ کو یورپی سلامتی کے حوالے سے اس روسی منصوبے پر خاصے تحفظات ہیں۔ برطانیہ کا موقف ہے کہ یورپی سلامتی میں روس کی بڑھتا ہوا اثر و رسوخ ہرگز مناسب عمل نہ ہوگا۔

Dmitry Medvedev und Angela Merkel Flash-Galerie

یورپی یونین میں جرمنی کو روس کا سب سے قریبی دوست تصور کیا جاتا ہے

نیٹو کی سربراہ کانفرنس اگلے ماہ پرتگال کے شہر لزبن میں ہونا ہے۔ میرکل کے مطابق نیٹو سربراہ اجلاس کے موقع پر نیٹو روس کونسل کا اجلاس بھی ہوگا، جس میں روسی صدر دمیتری میدیویدیف بھی شرکت کریں گے۔ واضح رہے کہ سن 2008ء میں روس اور جورجیا کے درمیان ہونے والی جنگ کے بعد سے یورپی یونین اور ماسکوکے درمیان تعلقات میں خاصی کشیدگی پیدا ہوگئی تاہم اب اس کشیدگی میں کمی دیکھی جا رہی ہے۔

رپورٹ : عدنان اسحاق

ادارت : عاطف توقیر

DW.COM

ویب لنکس