1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

یورپ بھر میں موبائل فونز پر رومنگ سرچارج ختم

آج پندرہ جون سے یورپ بھر میں موبائل استعمال کرنے والے صارفین کو رومنگ سرچارج سے نجات مل گئی ہے۔ اس فیصلے کا اطلاق یورپی یونین کی تمام اٹھائیس ریاستوں پر ہو گا۔

رومنگ سرچارج ختم کرنے پر یورپی یونین کو بعض ملکوں کی جانب سے دباؤ کا بھی سامنا تھا لیکن اس فیصلے کے نفاذ کو یونین کی ایک بڑی کامیابی تصور کیا گیا ہے۔ اس فیصلے تک پہنچنے میں یونین کو تقریباً ایک دہائی لگی ہے۔ یہ فیصلہ ایسے وقت میں سامنے آیا ہے جب براعظم یورپ میں موسم گرما جاری ہے اور لوگ مختلف ملکوں کے سیاحتی مقامات کا رخ کرنے کی منصوبہ بندی کر رہے ہیں۔

یورپی یونین کے اس فیصلے کا عوامی سطح پر بھی خیرمقدم کا سلسلہ جاری ہے حالاں کہ یونین کو بریگزٹ کے بعد سیاسی اور اقتصادی دباؤ کا بھی سامنا ہے۔ اس فیصلے کے تحت اب سارے یورپ میں ٹیلی فون کال اور ایس ایم ایس کرنا لوکل ہو گیا ہے۔ یورپی کمیشن کے سربراہ ژاں کلود یُنکر نے اس تناظر میں کہا کہ یونین کا یہ فیصلہ عام لوگوں کی زندگیوں میں آسانی پیدا کرنے کا باعث ہو گا۔

یورپی پارلیمنٹ کے سربراہ انتونیو تاژانی نے اس مناسبت سے اپنے بیان میں کہا کہ اب سارے یورپ میں لوگوں کو اپنی موبائل ڈیوائسز کے استعمال میں جو راحت ملے گی، وہ ایک غیرمعمولی عمل ہو گا۔ تاژانی کے مطابق رومنگ سرچارج کا خاتمہ یورپی یونین کا انتہائی اہم فیصلہ اور کامیاب قدم ہے۔

Polen Frau telefoniert am Strand (picture-alliance/dpa/D. Naupold)

آج پندرہ جون سے یورپ بھر میں موبائل استعمال کرنے والے صارفین کو رومنگ سرچارج سے نجات مل گئی ہے

ابھی یہ طے نہیں ہوا ہے کہ آیا بریگزٹ کے بعد بھی برطانیہ کے شہری بھی اس سہولت سے فائدہ اٹھا سکیں گے یا نہیں۔ اس فیصلے سے ایک بات تو طے ہے کہ انگلش چینل کے آرپار کے شہریوں کو مسرت حاصل ہوئی ہے۔ انگلینڈ کی فٹ بال ٹیم کے سابق کپتان گیری لائنیکر نے ٹویٹ کرتے ہوئے اسے ایک شاندار پیش رفت قرار دیا۔

اسی طرح برطانیہ کی کئی نامی گرامی شخصیات نے یورپی یونین کے اس اقدام کو سراہا ہے۔ انگلش میڈیا کی مشہور شخصیت اسٹین کولیمور نے کہا ہے کہ یورپی یونین کی جانب سے رومنگ سرچارج کا پندرہ جون سے خاتمہ ایک بڑا قدم ہے اور برطانوی شہری بھی بریگزٹ کا عمل مکمل ہونے تک اس سہولت سے فائدہ اٹھا سکیں گے۔