1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

یورپی ہاکی چیمپئن شپ، انگلینڈ کی فتح

ہالینڈ کے شہر ایمسٹرڈم میں ہاکی کی یورپی چیمپئن شپ میں اتوار کے روز کھیلے جانے والے مرد کھلاڑیوں کے فائنل میں انگلینڈ نے جرمنی کو تین کے مقابلے میں پانچ گول سے شکست دے کر یورپی چیمپئن بننے کا اعزاز حاصل کر لیا۔

default

انگلینڈ سے شکست کے بعد جرمن گول کیپر کا ردعمل

کھیل کے پہلے ہاف کے اختتام تک اولمپک اور ورلڈ چیمپئن جرمنی دو کے مقابلے میں تین گول سے جیت رہا تھا۔ تیسری پوزیشن کے لئے منعقدہ میچ میں ہالینڈ نے اسپین کو ایک کے مقابلے میں چھ گول سے ہرا دیا۔ اِس سے پہلے ہفتے کے روز خواتین کا فائنل میز بان ملک ہالینڈ اور جرمنی کے درمیان کھلا گیا، جس میں جرمنی کو اولمپک چیمپئن ٹیم کے ہاتھوں دو کے مقابلے میں تین گول سے شکست اٹھانا پڑی اور یوں جرمنی خواتین محض چاندی کا تمغہ جیت سکیں۔ تاہم جرمنی نے انتہائی شاندار کھیل پیش کیا، جس کا ذکر کرتے ہوئے قومی جرمن کوچ مشاعیل بیہرمان نے کہا:

’’میرے خیال میں اِس سال اب تک یہ ہمارا سب سے اچھا میچ تھا۔ ہم اِس میچ پر کچھ زیادہ غور کریں گے تو ہو سکتا ہے کہ ہمیں خود پر غصہ بھی آئے کیونکہ ہمیں کئی کارنر ملے اور ہم بآسانی یہ میچ جیت سکتے تھے۔‘‘

اِس طرح جرمن ہاکی ٹیم کی خواتین کا یہ میچ جیت کر سن دو ہزار سات کی طرح ایک بار پھر کامیابی حاصل کرنے اور اپنے اعزاز کا کامیاب دفاع کرنے کا خواب شرمندہء تعبیر نہ ہو سکا۔ ہالینڈ کی خواتین کھلاڑیوں نے ساتویں مرتبہ یورپی ہاکی چیمپئن بننے کا اعزاز حاصل کیا جبکہ انگلینڈ کی ٹیم تیسرے نمبر پر رہی۔

رپورٹ: امجد علی

ادارت: ندیم گِل