1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

 یورپی خاتون سفارتکار کے ساتھ سیلفیاں بنانا مہنگا پڑ گیا

ایرانی سیاست دانوں کو یورپی یونین کی خارجہ پالیسی کی خاتون سربراہ کے ساتھ سیلیفیاں بنانا مہنگا پڑ گیا۔ ملکی اخبارات  نے  ان سیاست دانوں پر اپنے آپ کو شرمندہ کروا دینے جیسے الزامات عائد کیے ہیں۔

یورپی یونین کی خارجہ پالیسی کی سربراہ فیدریکا موگیرینی ان درجنون مہمانوں میں شامل تھیں، جو ایرانی صدر حسن روحانی کی تقریب حلف برداری میں شرکت کے لیے ایران پہنچے تھے۔ لیکن ان غیر ملکی مہمانوں میں موگیرینی ایرانی سیات دانوں کو بہت زیادہ پسند آئیں۔

ایرانی سوشل میڈیا پر ایسے رکن پارلیمان کو شدید تنقید کا نشانہ بنایا گیا جو اس اطالوی سفارت کار کے ساتھ سیلفیاں بنانے کے لیے انتظار میں کھڑے رہے۔ ٹوئٹر کے ایک ایرانی صارف نے لکھا،’’  آپ نے اسی ملین افراد کو شرمندہ کر دیا۔‘‘

ایک اخبار نے لکھا،’’ وہ لوگ جنہیں اس قوم کا دفاع کرنا چاہیے ہمارے حقوق کی پامالی کرنے والوں کے ساتھ تصویریں بنوا رہے تھے۔‘‘