1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

یورو زون کے مالی استحکام کے لئے خطیر فنڈ

یورپی یونین کے رکن ممالک یوروزون کے مالی استحکام کے لئے ایک لائحہ عمل پر متفق ہو گئے ہیں۔ برسلز منعقدہ یورپی یونین کے رکن ممالک کے وزرائے خزانہ ہنگامی مالی امداد کی خاطر 750 ارب یورو کا فنڈ قائم کرنے پر متفق ہوئے۔

default

برسلز میں گیارہ گھنٹوں کے طویل مذاکرات کے بعد پیر کی صبح ہسپانوی وزیرخزانہ ایلینا سالگودا نے کہا ہے کہ یورو کو مستحکم بنانے کے لئے یورپی رہنماؤں میں اس معاملے پر اتفاق ہو گیا ہے۔ انہوں نے کہا کہ یونین کے وزرائے خزانہ نے کہا ہے کہ وہ یونان کے اقتصادی بحران سے نمٹنے کے لئے مجموعی طورپر670 بلین یورو کی رقم مختص کرنے پر رضا مند ہو گئے۔

انہوں نے مزید کہا کہ بین الاقوامی مالیاتی فنڈ کی مدد کی صورت میں یہ رقم 720بلین یورو تک پہنچ سکتی ہے۔

اس امدادی پیکیج میں 440 بلین یورو یورو زون کے رکن ممالک ڈالیں گے جبکہ ساٹھ بلین یورو، قرضوں کی شکل میں یورپی کمیشن مہیا کرے گا۔ اس کے علاوہ بین الاقوامی مالیاتی فنڈ 220 بلین یورو ادا کرے گا۔

Oli Rehn EU-Erweiterungskommissar in der Europaeischen Kommission in Sarajevo

اولی رائین

یورپی یونین کے اعلیٰ سفارت کار اولی رائین نے ایک پریس کانفرنس کے دوران صحافیوں سے گفتگو کرتے ہوئے کہا ہے کہ جو کچھ بھی ہو، یورپی یونین یورو کرنسی کو مستحکم بنائے گا۔ ہسپانوی وزیر ایلینا سالگودا نے کہا کہ جو کچھ کیا جا رہاہے اس کا مقصد صرف یہ ہے کہ یورپ کو مستحکم بنایا جائے۔

یونین کے اس امدادی پیکیج پر متفق ہونے کے بعد پیر کی صبح ایشیائی مالی منڈیوں میں یورو کی قدر ایک دم مستحکم ہو گئی ہے۔ اس سے قبل یونان کی خستہ مالی صورتحال کو دیکھتے ہوئے مالی منڈیوں میں یہ قیاس آرائیاں شروع ہو گئی تھیں کہ یوروزون کے دیگر ممالک بھی مالی بحران کا شکار ہوسکتے ہیں۔

رپورٹ : عاطف بلوچ

ادارت : شادی خان سیف

DW.COM