1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

یوایس اوپن: ویلیمز اور کلائسٹرز پری کوارٹر فائنل میں

امریکہ میں ٹینس کے یو ایس اوپن مقابلے جاری ہیں اور ماضی میں یہ ٹورنامنٹ جیتنے والی دو اہم خواتین، امریکہ کی وینس ویلیمز اور بیلجیئم کی کِم کلائسٹرز ان مقابلوں کے پری کوارٹر فائنل میں پہنچ چکی ہیں۔

default

بیلجیئم کی کِم کلائسٹرز

Wimbledon 2008 Venus Williams

امریکہ کی وینس ویلیمز

امکان ہے کہ ماضی میں ایک دوسرے کی بڑی حریف رہنے والی یہ دونوں خواتین طویل عرصے بعد اس ٹورنامنٹ میں ایک بار پھر ایک دوسرے کے مد مقابل آ سکتی ہیں۔

26 سالہ کلائسٹرز گزشتہ برس کے اوائل میں اپنے پہلے بچے کو جنم دینے کے بعد پہلی مرتبہ انٹرنیشنل ٹینس مقابلوں میں واپس لوٹی ہیں جبکہ 29 سالہ وینس ویلیمز مسلسل کئی برسوں سے کھیل رہی ہیں۔

وینس اور کِم کی ٹینس کورٹ پر رقابت کا آغاز 2001 میں یو ایس اوپن کے دوران ہوا تھا، اور ان دونوں کے مابین آخری مقابلہ بھی اسی امریکی ٹورنامنٹ کا ایک میچ تھا جو چار سال قبل کھیلا گیا تھا۔ یہ میچ کِم کلائسٹرز نے جیتا تھا اور اسی سال وہ یو ایس اوپن کا خواتین کا فائنل جیتنے میں بھی کامیاب رہی تھی۔

وینس اور کِم کے مابین آج تک مختلف ٹورنامنٹس کے دوران دس مقابلے ہو چکے ہیں جن میں برتری 29 سالہ وینس کو حاصل ہے جو چھ مرتبہ کِل کلائسٹرز کو ہرا چکی ہے۔

رپورٹ: مقبول ملک

ادارت: ندیم گِل