1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ہنگومیں خودکش حملہ،تین سیکوریٹی اہلکاروں سمیت سات ہلاک

پاکستانی صوبہ سرحد کے ضلع ہنگو میں سیکورٹی چیک پوسٹ پر خود کش حملے میں تین سیکورٹی اہلکاروں سمیت سات افراد ہلاک جبکہ متعدد زخمی ہو گئے۔

default

جمعے کے روز مردان میں مقامی پولیس افسر کے قافلے پر ہونے والے خودکش حملے میں پولیس کی تباہ شدہ گاڑی

ڈوئچے ویلے کے نامہ نگار کے مطابق منگل کی صبح، ہنگو کے علاقے دوآبہ میں خود کش حملہ آور نے بارود سے بھری کار سیکورٹی چیک پوسٹ سے ٹکرا دی جس سے تین سیکورٹی اہلکاروں سمیت سات افراد ہلاک اورمتعدد افراد زخمی ہو گئے۔ تاہم مختلف خبررساں اداروں نے ہلاک شدگان کی تعداد کم از کم چار بتائی ہے۔


اطلاعات کے مطابق حملے کے فورا بعد زخمیوں کو ڈسٹرکٹ اسپتال میں منتقل کر دیا گیا جہاں ایک سیکورٹی اہلکارزخموں کی تاب نہ لاتے ہوئے دم توڑ گیا۔

پولیس اورسیکیوریٹی ایجنسیزنے علاقے کو گھیرے میں لے لیا ہے، علاقے میں گشت بڑھا دیا گیا ہے اورہنگو ٹل روڈ آمد ورفت کے لیے بند کردی گئی ہےجبکہ اس واقعے کے بعد ڈسٹرکٹ اسپتال ہنگو میں ایمرجنسی نافذ کردی گئی ہے۔