1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ہنگری گراں پری فارمولا ون کار ریس : لوئیس ہیملٹن کی جیت

میکلارن کے لوئس ہیلمٹن نے ہنگری فارمولا ون گراں پری چمپیئن شپ جیت لی ہے۔ فراری کے Kimi Raikkonen دوسرے جبکہ ریڈ بل کے مارک ویبر نے تیسری پوزیشن حاصل کی۔

default

لوئس ہیلمٹن کی اس سیزن میں یہ پہلی کامیابی ہے

ہفتے کے دن اس ریس کے فری پریکٹس سیشن کے دوران فلپ ماسا کے ایکسیڈنٹ کے بعد اس ریس کی تقریب کچھ پھیکی پڑ گئی ہے۔ فراری کے ڈرائیور فلپ ماسا کےایکسیڈنٹ کے بعداس واقعے کی مکمل تحقیقات شروع کر دی گئی ہیں ۔ یہ تحقیقات انٹر نیشنل موٹرنگ فیڈریشن ایف آئی اے اور براون جی پی کی ٹیم مشترکہ طورپر کریں گی۔ ان تحقیقات کا مقصد موٹر ریسنگ کے دوران ممکنہ حادثات کی تدابیر اور موجودہ سیفٹی کےانتظامات کی جانچ پڑتال ہو گا۔ اس بات کا اعلان اس وقت کیا گیا جب بدا پیسٹ کے ملٹری ہسپتال میں زیر علاج اٹھائیس سالہ ماسا کے ڈاکٹروں نے کہا کہ برازیلی ڈرائیور، کھوپڑی میں ہونے والے فریکچر کی سرجری کے بعد اڑتالیس گھنٹے بے حوشی کی حالت میں رہیں گے۔

Formel 1 2009 GP China Felipe Massa

ڈاکٹروں نے کہا ہے کہ ماسا بظاہر بہتر ہیں لیکن ابھی تک خطرہ ٹلا نہیں ہے

ڈاکٹروں نے کہا ہے کہ ماسا بظاہر بہتر ہیں لیکن ابھی تک خطرہ ٹلا نہیں ہے اور وہ نہیں جانتے کے آگے کیا ہو گا۔ ماسا ہفتہ کے روز فری پریکٹس سیشن کے دوران کار ایکسڈینٹ کا شکار ہوئے اور انہیں کھوپڑی ، دماغ اور آنکھوں پر چوٹیں آئیں۔ یہ حادثہ اس وقت پیش آیا جب گاڑی کا ایک سپرنگ 275 کلو میٹر فی گھنٹہ کی رفتار سے ان کی بائیں آنکھ کے زرا اوپر ان کی کنپٹی پر آن لگا۔

اس دوران وہ گاڑی کا کنٹرول نہ سنبھال سکے اور ان کی ٹکر ہو گئی۔ ماسا کے والد، والدہ اور ان کی حامہ اہلیہ برازیل سے ہنگری کے لئے روانہ ہو گئی ہیں۔ ابھی چھ روز قبل ہی انگلش فارمولا ٹو گراں پری ریس کے دوران اٹھارہ سالہ برطانوی ڈرائیوڑ Henry Surtees حادثے کا شکار ہو کر ہلاک ہو گئے تھے۔

ادارت: عاطف بلوچ

ادارت: شامل شمس

ملتے جلتے مندرجات