1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ہنگری کے خلاف جرمنی کی تین گول سے فتح

فٹ بال کے عالمی کپ کے لئے اپنے سکواڈ کو حتمی شکل دینے سے قبل ہفتے کے روز ایک دوستانہ میچ میں جرمنی نے ہنگری کو صفر کے مقابلے میں تین گولوں سے شکست دے دی ہے۔

default

ہنگری کے دارالحکومت بوداپیسٹ میں ہونے والے اس میچ کے چوتھے منٹ میں جرمن کھلاڑی پوڈولسکی نے گول کر کے ٹیم کو برتری دلائی جبکہ کھیل کے 69 ویں اور73 ویں منٹ میں گومیس اور کاکا ؤ نے ایک ایک گول کر کے اس برتری کو ناقابل تسخیر کر دیا۔

ہنگری کے گول کیپر کے شاندار کھیل کے باعث یہ جیت تین گولوں تک ہی محدود رہی ورنہ گولوں کی تعداد کہیں زیادہ ہو سکتی تھی۔ کھیل کے پہلے ہاف میں ہنگری کے گول کیپر Gabor Kiraly نے متعدد یقینی گول بچائے۔ کھیل میں جرمن ٹیم کے سترہ رکنی دستے کی طرف سےکھیل کے دوران متعدد تبدیلیاں بھی کی گئیں۔

Michael Ballack

میشاعیل بالاک زخمی ہونے کے باعث ورلڈ کپ نہیں کھیل پائیں گے

کھیل کے پہلے ہاف میں اوسِل کی جگہ کاکاؤ کو میدان میں بھیجا گیا جبکہ دوسرے ہاف میں گومیس، کارکو مارین اور مارسیل جینسن کو میدان میں بھیجا گیا۔ جرمن کلب بائرن میونخ سے تعلق رکھنے والے دفاعی کھلاڑی ہولگرباڈشٹوبیر کو کھیل کے آخری بیس منٹوں کے لئے جرمنی کی نمائندگی کا موقع ملا۔

جرمن ٹیم کے اہم کھلاڑی میشاعیل بالاک کے زخمی ہونے کے سبب عالمی کپ نہ کھیل سکنے کی وجہ سے جرمن ٹیم یقینی طور پر ایک اہم کھلاڑی سے محروم ہو گئی ہے تاہم اس کھیل میں جرمن کھلاڑی انتہائی جارحانہ انداز میں کھیلتے ہوئے دکھائی دئے۔ جرمن کوچ یواخم لوئیو نے جرمن ٹیم کے کھیل کو تسلی بخش قرار دیا ہے۔

رپورٹ : عاطف توقیر/ خبررساں ادارے

ادارت : شادی خان سیف

DW.COM