1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

ہم جنس پرستوں کی سب سے بڑی پریڈ

برازیل کے شہر ساؤ پاؤلو میں ہونے والی ہم جنس پرستوں کی اس پریڈ میں منتظمین کے مطابق لگ بھگ 30 لاکھ افراد شریک ہوئے۔

default

اتوار چھ جون کو ہونے والی ہم جنس پرستوں اور ان کے حامیوں کی اس سالانہ پریڈ میں شامل لاکھوں افراد کے رنگا رنگ ملبوسات اور خوبصورتی سے سجائے گئے فلوٹس سے ساؤپالو کی سڑکیں حسین نظارہ پیش کررہی تھیں۔ روشن نیلے آسمان کے نیچے ٹیکنو میوزک کی حسین دھنوں کے درمیان فلوٹس پر رنگا رنگ لباس زیب تن کئے لوگ خوبصورت رقص میں مصروف نظرآئے۔

پریڈ کے منتظمین اسی برس اکتوبر میں برازیل میں ہونے والے صدارتی انتخابات کے دوران ہم جنس پرستی کا معاملہ سیاسی ایجنڈے میں شامل کروانے کے خواہشمند ہیں۔ اس کے لئے انہوں نے اپنی مہم کو ' ہم جنس پرستوں سے خوف کے خلاف ووٹ ' کا نام دیا ہے۔

Christopher Street Day in Berlin

ہم جنس پرستوں کے حقوق کے لئے کام کرنے والے گروپوں کا کہنا ہے کہ اس کے باوجود کے برازیل ایک روشن خیال ملک ہے مگر گزشتہ برس کے دوران ہم جنس پرستوں پر کئے جانے والے حملوں میں 198 افراد ہلاک ہوئے ہیں۔

سال 1997ء سے ہم جنس پرستوں کی سالانہ پریڈ کا اہتمام کرنے والی 'گے پرائیڈ' نامی تنظیم کا کہنا ہے کہ برازیل میں ہونے والی یہ پریڈ سان فرانسیسکو اور سڈنی میں ہونے والی ایسی ہی تقریبات کو پیچھے چھوڑ کراب دنیا کا اپنی نوعیت کا سب سے بڑا میلہ بن گیا ہے۔

ساؤ پالو میں ہونے والی ہم جنس پرستوں کی اس پریڈ کے لئے اخراجات ملک کی ریاستی تیل کمپنی پیٹروبراس کے تعاون سے برازیلی حکومت فراہم کرتی ہے۔

رپورٹ : افسر اعوان

ادارت : شادی خان سیف

DW.COM