1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ہم جارحانہ کھیل پیش کریں گے: ہیمبرگ فُٹ بال کوچ

جرمن صوبے ہیمبرگ کی فٹ بال ٹیم نے سیزن کے شروع ہونے سے قبل اپنے کوچنگ عملے پر جو رقم خرچ کی وہ کھلاڑیوں کی خریداری کے مقابلے میں کہیں زیادہ ہے۔

default

ہیمبرگ فٹ بال ٹیم کے کھلاڑی ٹیموتھی اٹوبا بال کو گول کی طرف پھینکتے ہوئے

بین الاقوامی سطح پر جانے پہچانے کوچ مارٹن یوَل کی زیر نگرانی سات ٹرینر اٹھارہ پیشہ ور کھلاڑیوں کی تربیت کے لئے کام کر رہے ہیں۔ نئے کوچ اپنے پیش رو کوچ ہوب شٹیفنزکے دفاعی کھیل پر یقین نہیں رکھتے۔

وہ کہتے ہیں: ’’ہم جارحانہ انداز میں کھیلیں گے تا کہ زیادہ سے زیادہ گول کر سکیں۔ پچھلے سیزن میں اس ٹیم نے سینتالیس گول کئے تھے لیکن اس کے باوجود وہ پہلی پانچ ٹیموں میں شامل نہ ہو سکی۔‘‘

Deutschland Fussball Bundesliga Hamburg Martin Jol

بین الاقوامی سطح پر جانے پہچانے ہیمبرگ کی ٹیم کے کوچ مارٹن یوَل

یہ سوال اپنی جگہ اہم ہے کہ ہیمبرگ نے اپنے سٹار کھلاڑی رافائیل فان دئر فارٹ کے ہسپانوی ٹیم ریال میڈرڈ میں شامل ہونے کے دھچکے کو کیسے برداشت کر لیا۔ دوسری طرف انتظامیہ نے اس سیزن میں نئے کھلاڑیوں کے حصول میں زیادہ دلچسپی نہیں دکھائی۔ اس مرتبہ ٹیم کا فوکس اس بات پر ہے کہ اپنے ہی نوجوان کھلاڑیوں کو فرسٹ ڈویژن لیگ میں کھیلنے کے لئے تیار کیا جائے۔ ان میں میکسم شوپو موٹنگ اور سڈنی سام جیسے با صلاحیت کھلاڑی شامل ہیں۔ نئے کھلاڑیوں کی حیثیت سے یوناتھن پیٹروئپا اور ڈینیس اوگوکی خدمات حاصل کی گئی ہیں، جو اس سے قبل لیگ۔ٹو کی ٹیم ایس۔سی فرائی برگ میں کھیلتے رہے ہیں۔

ہیمبرگ کلب کے کوچ مارٹن یوَل، نوجوان کھلاڑی یوناتھن پیٹروئپا کی آمد سے بہت خوش ہیں اور ان کا ذکر بڑے فخر سے کرتے ہیں۔ ٹیم کے سپو رٹ ڈائریکٹر بیرزڈورفرکا کہنا ہے کہ بورکینا فاسوسے آنے والے اس بائیس سالہ کھلاڑی سے، جو ہر پوزیشن پر کھیلنے کی صلاحیت رکھتے ہیں، ٹیم کو تقویت ملی ہے۔

وہ کہتے ہیں: ’’یوناتھن پیٹروئپا غیر معمولی رفتار سے میدان میں بھاگتے ہیں اور اعلیٰ تکنیکی مہارت رکھتے ہیں۔ مجھے امید ہے کہ وہ ہماری ٹیم میں اور زیادہ کھل کر اپنا کھیل پیش کر سکیں گے۔‘‘

ہیمبرگ ٹیم میں شامل ہونے والے نئے کھلاڑی:

ڈینس اوگو اور یوناتھن پیٹروئپا

ٹیم سے خارج ہونے والے کھلاڑی:

ماریو فیلنگر، میسو بریکو، راٴووین ہیننگز اور یوآن پابلو سورین