1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ہملٹن ٹیسٹ: نیوزی لینڈ نے پہلے روز 260 رنز بنا لیے

پاکستان اور نیوزی لینڈ کے درمیان کھیلے جا رہے پہلے ٹیسٹ میچ کے پہلے روز کیوی ٹیم نے سات وکٹوں کے نقصان پر 260 رنز بنا لیے ہیں۔

default

نیوزی لینڈ کی ٹیم کے کپتان ویٹوری

اس میچ میں نصف سینچری بنانے والے کیوی کھلاڑی مارٹن گپٹل نے خبر رساں ادارے روئٹرز کو بتایا کہ اگر نیوزی لینڈ کی ٹیم پہلی اننگز میں 300 یا اس سے زائد رنز بنانے میں کامیاب ہو گئی، تو پاکستان کو مشکل میں ڈالا جا سکتا ہے۔

گپٹل نے میک کلم کے ساتھ شراکت میں 83 رنز سکور کیے۔ گپٹل کی وکٹ عبدالرحمان نے حاصل کی۔

Pakistanische Spieler im Freudentaumel

پاکستانی ٹیم کی کارکردگی قدرے بہتر رہی

گپٹل نے تاہم کہا کہ پہلے دن کا کھیل کچھ حد تک مہمان ٹیم کے حق میں بھی رہا۔ گپٹل کے مطابق اب نیوزی لینڈ کی ٹیم کو تمام ممکنہ کوشش کرنا ہو گی کہ کسی طور دوسرے دن کے کھیل میں اپنا سکور 300 رنز سے زائد کرنے میں کامیاب رہے۔ گپٹل کے مطابق زیادہ سکور سے پاکستان کو آسانی سے دباؤ میں ڈالا جا سکتا ہے۔ انہوں نے کہا کہ وکٹ فلیٹ ہے اور بلے بازوں کے لیے خاصی سود مند ہے، اس لیے کیوی بالروں کو بال ٹھیک لائن اور لینتھ میں کرانا ہو گی۔

گپٹل کے مطابق کیوی ٹیم کو خاصی امید ہے کہ وکٹ پر موجود KS Williamson اور TG Southee سکور میں مزید 50 رنز تک کا اضافہ کرنے میں کامیاب ہو جائیں گے۔

پاکستانی ٹیم نے ٹاس جیت کر نیوزی لینڈ کو پہلے بیٹنگ کی دعوت دی۔ پہلے دن کے کھیل میں پاکستان کی طرف سے عبدالرحمان سب سے کامیاب بالر رہے، جنہوں نے 30 اوورز میں 51 رنز کے عوض تین کھلاڑیوں کو آؤٹ کیا۔ تنویر احمد نے 15 اوورز میں 54 رنز دے کر دو جبکہ عمر گل نے 20 اوورز میں 78 رنز دے کر ایک کھلاڑی کو آؤٹ کیا۔ وہاب ریاض، یونس خان اور محمد حفیظ کوئی وکٹ حاصل کرنے میں کامیاب نہ ہو سکے۔

اس وقت Williamson کریز پر موجود ہیں اور انہوں نے 44 رنز سکور کیے ہیں۔ ان کا ساتھ TG Southee دے رہے ہیں، جنہوں نے 56 رنز بنائے ہیں۔

رپورٹ: عاطف توقیر

ادارت: مقبول ملک

DW.COM

ویب لنکس