1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

گیل بھارت کے سیمی فائنل تک پہنچنے کی راہ میں دیوار بن گئے

ویسٹ انڈیز میں جاری ٹی ٹوئنٹی عالمی کپ کرکٹ کےسپرایٹ مرحلےمیں ویسٹ انڈیز نے بھارت کو چودہ رنزسےہرا دیا ہے۔ پاکستان کے بعد بھارت کے بھی سیمی فائنل کے لئے کوالیفائی کرنے کےامکانات معدوم ہو گئے ہیں۔

default

بریج ٹاؤن میں کھیلے گئے ٹورنامنٹ کے انیسویں میچ میں بھارت نے ٹاس جیت کر ویسٹ انڈیز کو پہلے کھیلنے کی دعوت دی۔ ویسٹ انڈیزنے مقررہ بیس اوروں میں چھ وکٹوں کے نقصان پر 169 رنزبنائے جبکہ بھارت کی ٹیم مقررہ اوروں میں نو کھلاڑیوں کے نقصان پر محض ایک سو پچپن رنز بنا سکی۔

میزبان ٹیم کے کپتان کرس گیل اگرچہ ٹی ٹوئنٹی فارمیٹ میں دوسری سینچری اسکور نہ کر سکے لیکن ان کی دھواں دھار اننگز کی وجہ سے ویسٹ انڈیز نے بھارت کو شکست دی۔ گیل نے سات چھکوں اورچارچوکوں کی مدد سے 66 گیندوں پر 98 رنز بنائے۔

Mahendra Singh Dhoni

بھارتی کپتنان ایم ایس دھونی نے انتیس رنز بنائے

بھارتی ٹیم نے گیل کے دو آسان کیچ چھوڑ دئے جس کی وجہ سے اب بھارت کے سیمی فائنل میں جانے کے امکانات کم ہو گئے ہیں۔ بھارت کی طرف سے اشیش نہرا نے چار اوروں میں پینتیس رنز دے کر تین کھلاڑیوں کو آوٹ کیا۔

بھارت نے جب اپنی اننگز کا آغاز کیا تو کوئی بھی کھلاڑی جم کر نہ کھیل سکا۔ بھارتی نمایاں بلے بازوں میں سریش رائنا نے بتیس جبکہ کپتان ایم ایس دھونی نے انتیس رنز بنائے۔ کھیل کا بہترین کھلاڑی کرس گیل کو قرار دیا گیا۔

رپورٹ: عاطف بلوچ

ادارت :شادی خان سیف

DW.COM