1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

گوگل کی انتظامیہ میں اولین تبدیلیاں

معروف انٹرنیشنل کمپنی کے چیف ایگزیکٹو آفیسر لیری پیج نے اس ادارے کی انتطامیہ میں اولین تبدیلیاں کرتے ہوئے چھ مختلف پراڈکٹ گروپس میں فیلڈ سازی کا عمل زیادہ بہتر بنا دیا ہے۔

default

ان پراڈکٹ گروپس میں سول نیٹ ورکنگ اور موبائل بھی شامل ہیں۔ لیری پیج کے اس اعلان کا مقصد دنیا کے اس سب سے بڑے انٹر نیٹ سرچ انجن اور انتہائی کامیاب انٹر نیٹ کمپنی کے طور پر گوگل کی ان کوششوں کو زیادہ کامیاب بنانا ہے تاکہ وہ فیس بک یا ایپل جیسے بڑے بڑے اداروں کا کامیابی سے مقابلہ کرسکے۔

Berlin HU Google Eric Schmidt

گوگل کے سابقہ چیف ایگزیکٹو آفیسر ایرک شمٹ

لیری پیج اسی ہفتے ہی گوگل کےCEO بنے تھے اور ان کی طرف سے گو گل کے انتطامی اور ذیلی شعبوں کی سطح پر تنظیم نو اس ادارے کو زیادہ فعال اور بہتر مقابلے کے قابل بنانے کی کوششوں کا حصہ ہے۔

گوگل کے ان ذیلی گروپس کے سربراہان کو زیادہ خودمختاری دے دی گئی ہے اور انہیں کہا گیا ہے کہ وہ براہ راست لیری پیج کی قیادت میں کام کریں گے۔ اس فیصلے سے گوگل کے جو پراڈکٹ گروپس متاثر ہوں گے ان میں سوشل نیٹ ورکنگ، اینڈروئڈ ، کروم اور یو ٹیوب بھی شامل ہیں۔

گوگل کے چیف ایگزیکٹو آفیسر کے طور پر لیری پیج سے پہلے یہ ذمہ داریاں ایرک شمٹ انجام دے رہے تھے ۔ لیری پیج نے انتظامیہ کی سطح پر جو تبدیلیاں متعارف کرائی ہیں، ان کا مقصد یہ ہے کہ صارفین کے لیے زیادہ سے زیادہ حد تک نت نئی سہولیات اور جدید تر مصنوعات کی پیش کش کے سلسلے میں گوگل جیسی کمپنی فیس بک اور ایپل جیسے اداروں سے کسی بھی طور پیچھے نہ رہ جائے۔

رپورٹ: عصمت جبیں

ادارت: شادی خان سیف

DW.COM

ویب لنکس