1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

گوانتانامو سے دس قیدی عمان پہنچا دیے گئے

خلیج گوانتانامو کے امریکی حراستی کیمپ سے دس قیدیوں کو خلیجی عرب ریاست عمان پہنچا دیا گیا ہے۔ ان قیدیوں کی قومیتیں ظاہر نہیں کی گئیں لیکن ان کی منتقلی کی عمان کی وزارت خارجہ نے پیر سولہ جنوری کے روز تصدیق کر دی۔

Symbolbild Folter (picture-alliance/dpa/Shane T. McCoy/US Navy)

گوانتانامو کیمپ کے قیدیوں کی دو ہزار دو میں لی گئی ایک تصویر

مسقط سے سولہ جنوری کے روز ملنے والی نیوز ایجنسی اے ایف پی کی رپورٹوں کے مطابق کیوبا کے جزیرے پر خلیج گوانتانامو کے امریکی فوجی حراستی مرکز سے عمان منتقل کیے جانے والے ان قیدیوں کو فی الحال عبوری طور پر عمان میں رکھا جائے گا لیکن اس بارے میں کوئی وضاحت نہیں کی گئی کہ مستقل طور پر ان افراد کو کہاں رکھا جائے گا، جو مشتبہ دہشت گردوں کی حیثیت سے برسوں تک گوانتانامو کی جیل میں امریکی فوج کی حراست میں رہے۔

گوانتانامو سے چار قیدیوں کی فوری سعودی عرب منتقلی کا اعلان

گوانتانامو: آٹھ افغانوں کو غلط الزامات میں قید رکھا گیا

گوانتاناموبے کے 15 قیدی متحدہ عرب امارات پہنچ گئے

گوانتانامو کے نو یمنی قیدی سعودی عرب منتقل

اے ایف پی نے لکھا ہے کہ ان دس قیدیوں کی گوانتانامو کیمپ سے عمان منتقلی ایک ایسے وقت پر عمل میں آئی ہے، جب امریکی صدر باراک اوباما کے عہدہٴ صدارت کی دوسری مدت چند روز بعد بیس جنوری کو اپنے اختتام کو پہنچ رہی ہے۔ اوباما نے وعدہ کیا تھا کہ وہ اپنے دور صدارت میں گوانتانامو کا یہ حراستی مرکز بند کر دیں گے، تاہم مختلف وجوہ کی بناء پر وہ اپنا یہ اعلانیہ ہدف حاصل کرنے میں ناکام رہے۔

مسقط سے موصولہ رپورٹوں میں یہ بھی بتایا گیا ہے کہ ان دس قیدیوں کی منتقلی کے بعد اب گوانتانامو کی جیل میں موجود باقی قیدیوں کی تعداد 45 رہ گئی ہے۔

Symbolbild Guantanamo (Getty Images/J. Moore)

گوانتانامو کیمپ کے چند قیدیوں کی نماز پڑھتے ہوئے لی گئی ایک تصویر

Infografik Guantanamo Bay ENG

پینٹاگون کے مطابق اس سال پانچ جنوری تک اس کیمپ میں پچپن قیدی باقی بچے تھے

یہ اندازہ امریکی محکمہٴ دفاع کے اس بیان کی روشنی میں لگایا گیا ہے، جس کے مطابق اسی مہینے چھ جنوری کے روز جب یمن سے تعلق رکھنے والے گوانتانامو کے چار قیدیوں کو کیوبا کے جزیرے سے سعودی عرب منتقل کیا گیا تھا، تو پینٹاگون نے کہا تھا کہ تب اس امریکی فوجی کیمپ میں موجود قیدیوں کی تعداد 55 رہ گئی تھی۔

عمان کی وزارت خارجہ کے پیر کے روز جاری کردہ ایک بیان کے مطابق ان قیدیوں کو اس خلیجی عرب ریاست نے امریکی صدر باراک اوباما کی خصوصی درخواست پر اپنے ہاں  قبول کیا۔ قیدیوں کی اس منتقلی کے بارے میں خود پینٹاگون نے کچھ بھی کہنے سے احتراز کیا۔

DW.COM