1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

گلوکار شوہر یونانی وزیر کو لے ڈُوبا

یونان کی نائب وزیر سیاحت اپنے گلوکار شوہر کے خلاف ٹیکس چوری کے الزامات سامنے آنے پر مستعفی ہو گئی ہیں۔ ٹیکس حکام کا کہنا ہے کہ انگیلا گیرکو کے شوہر کو ٹیکس اور جرمانے کی مد میں پانچ ملین یورو سے زائد کی رقم چکانی ہے۔

default

انگیلا گیرکو ایک سیاحتی میلے

ایتھنز حکام کا کہنا ہے کہ 51 سالہ نائب وزیر سیاحت انگیلا گیرکو پیر کو اپنے شوہر کا ٹیکس اسکینڈل منظر عام پر آنے کے کچھ ہی دیر بعد مستعفی ہو گئیں۔

وزارت خزانہ نے تصدیق کی ہے کہ گیرکو کے شوہر ٹولِس ووسکوپولوس کی جانب سے چوری شدہ ٹیکس اور جرمانے کی مالیت ساڑھے پانچ ملین یورو ہے، جس پر انہیں مقدمے کا سامنا ہے۔

Griechenland Proteste Finanzkrise

یونان میں حکومت کے بچت پروگرام کے خلاف شدید غم و غصہ پایا جاتا ہے

گیرکو نے کہا کہ ان کا ملک ایک مشکل دَور سے گزر رہا ہے اور وہ نہیں چاہتیں کہ ان کے شوہر کے ٹیکس اسکینڈل کو حکومت کے خلاف الزامات کے لئے استعمال کیا جائے۔ انہوں نے کہا کہ ان کی جانب سے استعفیٰ پیش کرنے کی وجہ یہی ہے۔

واضح رہے کہ یونان بدترین مالیاتی بحران کے دَور سے گزر رہا ہے۔ حال ہی میں یورپی یونین اور عالمی مالیاتی ادارے IMF کی جانب سے ایتھنز حکام کو دیوالیہ ہونے سے بچانے کے لئے 110ارب یورو کے امدادی پیکیج کا اعلان کیا گیا ہے، جس کے لئے یونان کو ملک میں کفایت شعاری کے پروگرام کے تحت سخت اقدامات کرنے ہوں گے۔

یونان نے عالمی امداد کے بدلے ایک بچت پروگرام متعارف کرایا ہے، جس میں ’ویلیو ایڈڈ ٹیکس‘ میں 23 فیصد اضافہ بھی شامل ہے جبکہ ریٹائرمنٹ سے پہلے ملازمت کی مدت 37 سال سے بڑھا کر 40 سال کر دی جائے گی۔ یونان میں حکومت کے اس پروگرام پر انتہائی غم و غصہ پایا جاتا ہے۔

عالمی امداد کا اعلان ایتھنز حکومت کی جانب سے آئندہ تین برسوں میں اخراجات میں 30 بلین کی کٹوتی پر رضامندی ظاہر کرنے کے بعد کیا گیا۔

رپورٹ: ندیم گِل

ادارت: امجد علی

DW.COM