1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

گلوبل وارمنگ کے ذمہ دار امریکہ اور دیگر صنعتی ممالک ، اسامہ بن لادن

اسامہ بن لادن نے گلوبل وارمنگ کے لئے امریکہ اور دیگر صنعتی ممالک کو ذمہ دار قرار دیا ہے۔ ایک نئے آڈیو پیغام میں اس نے دنیا پر زور دیا ہے کہ امریکی ڈالر پر انحصار کرنا چھوڑ دیا جائے۔

default

اسامہ بن لادن

ایک عرب ٹیلی وژن پر نشر کئے گئے اس آڈیو پیغام میں دہشت گرد تنظیم القاعدہ کے سربراہ اسامہ بن لادن نے کہا کہ دنیا امریکی مصنوعات کا بائیکاٹ کرے۔ انہوں نے کہا کہ ماحولیاتی تبدیلیوں پر قابو پانے کے لئے امریکی معیشت کا پہیہ روکنا ہوگا۔ اسامہ نے مزید کہا ہے کہ ماحولیاتی تبدیلیوں پر صرف گفتگو کرنے سے یہ معاملہ حل نہیں ہوگا۔

دریں اثناء امریکی محکمہ خارجہ کے ترجمان پی جے کرولے نے اسامہ بن لادن کے اس نئے پیغام پر تبصرہ کرتے ہوئے کہا ہے کہ القاعدہ کا رہنما، حالات حاضرہ سے مطابقت پیدا کرنے کے لئے سخت محنت کر رہا ہے۔

فوری طور پر تصدیق نہیں کی جا سکی ہے کہ یہ آڈیو پیغام اسامہ بن لادن کا ہی ہے یا نہیں۔

اسامہ بن لادن نے اپنے پیغام میں کہا ہے کہ امریکی ڈالر کا استعمال ترک کرنے سے تمام انسانیت، امریکہ کی غلامی سے آزاد ہو جائے گی۔ اسامہ بن لادن نے معروف امریکی دانشور نوم چومسکی کا حوالہ دیتےہوئے کہا کہ وہ ٹھیک کہتا ہے کہ امریکہ کی پالیسیاں کسی مافیا کی پالسیوں سے مختلف نہیں ہیں۔ اسامہ نے کہا کہ اصل دہشت گرد امریکہ ہے اور اس لئے دنیا کو امریکی ڈالر میں لین دین نہیں کرنا چاہئے۔

Der arabische Nachrichtensender Al Jazeera zeigt Videoaufnahmen von Ossama Bin Laden Quiz 50 Jahre Deutsche Welle Frage 9

ایک مہینے کے دوران اسامہ بن لادن کا یہ دوسرا آڈیو پیغام ہے

اسامہ بن لادن سے منسوب ایک آڈیو ٹیپ گزشتہ ہفتے بھی نشر کیا گیا تھا، جس میں اس نے کرسمس کے روز امریکی طیارے پر ناکام حملے کا منصوبہ بنانے کی ذمہ داری قبول کی تھی۔ اس پیغام میں اسامہ نے امریکی طیارے کو تباہ کرنے کی ناکام کوشش کرنے والے نائیجیریا کے شہری عمر فاروق عبدالمطلب کی تعریف بھی کی تھی۔

رپورٹ: عاطف بلوچ

ادارت: ندیم گل

DW.COM