1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

گستاف کی شدت میں کمی لیکن ری پبلکن پارٹی کا کنونشن متاثر

امریکہ میں ہیری کین گستاف کی شدت میں اگرچہ کمی واقع ہوئی ہے تاہم ری پبلکن پارٹی نے کہا ہے کہ وہ اپنے سالانہ کنونشن کو سادہ اور مختصر کریں گے اور اپنی پوری توجہ اس قدرتی آفت سے نمٹنے کے لئے لگائیں گے۔

default

ماہرین کا کہنا ہے کہ اگر ری پبلکن پارٹی اس مرتبہ اس طوفان سے نمٹنے کے لئے بہتر حکمت عملی ترتیب دے گی تو ہو سکتا ہے کہ ان مخصوص علاقوں میں ان کے ووٹ بینک میں اضافہ ہو سکے۔

سمندری طوفان ’’گُستاف‘‘ کی ابتدائی شدید بارشیں اور طوفانی ہوائیں امریکہ کے ساحلوں پر پہنچ گئی ہیں، تاہم ماہرینِ موسمیات نے اِس کی شدت کو تین سے کم کر کے اب اِسے کیٹیگری ایک کا طوفان قرار دے دیا ہے۔ حفظِ ماتقدم کے طور پر امریکی ریاست لُوئیزِیانا کے ساحلی علاقوں کے تقریباً دو ملین انسان محفوظ مقامات پر منتقل ہو کر دئے گئے ہیں۔

ابھی تین سال پہلے سمندری طوفان ’’کترینا‘‘ کے نتیجے میں تباہ ہونے والا شہر نیو اَورلینز ایک بار پھر انسانوں سے خالی ہو گیا ہے۔ گزشتہ روز شہر کے میئر رے نیگِن نے شہر خالی کرنے کے احکامات جاری کئے اورکرفیو نافذ کر دیا تھا۔ لُوٹ مار کو روکنے کے لئے پولیس اور نیشنل گارڈز کے سینکڑوں سپاہی شہر کی سڑکوں پر گشت کر رہے ہیں۔ ری پبلکن پارٹی نے اِس طوفان کی وجہ سے ریاست مِنی سوٹا کے دارالحکومت سینٹ پَول میں اپنی پارٹی کانگریس کے پروگرام کو مختصر کر دیا ہے۔

صدر بُش اِس اجتماع میں شرکت کی بجائے قدرتی آفات سے نمٹنے کے محکمے کے ساتھ تبادلہء خیال کریں گے۔

DW.COM

Audios and videos on the topic