1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

گرلز ان گرین، پاکستانی خاتون کرکٹرز میدان میں

پاکستانی خواتین کی کرکٹ ٹیم نے بھارت میں جاری ٹی ٹوئنٹی ورلڈ کپ کا آغاز کر دیا ہے۔ سوشل میڈیا پر کئی افراد ہیش ٹیگ گرلز ان گرین سے خواتین کھلاڑیوں کی حوصلہ افزائی کر رہے ہیں۔

پاکستان کی خواتین کی کرکٹ ٹیم نے ٹی 20 ورلڈ کپ میں اپنا پہلا میچ ویسٹ انڈیز کے خلاف کھیلتے ہوئے اس ٹورنامنٹ کا آغاز کیا۔ پاکستان میں کئی افراد جہاں مردوں کی ٹیم، جو آج بنگلہ دیش سے اپنا پہلا میچ جیتی ہے، کی پذیرائی کر رہے ہیں وہیں بہت سے افراد پاکستان کی خواتین کھلاڑیوں کی بھی حوصلہ افزائی میں مصروف ہیں۔

انٹرنیٹ پر پاکستان کے شوبز ستاروں اور کئی دیگر افراد نے بھی گرلز ان گرین تحریک کے لیے بنائی گئی تصاویر کو اپنی پروفائل پر لگا لیا ہے۔

موسیقار اور سماجی کارکن شہزاد رائے نے لکھا ہے کہ سب آئی سی سی ٹی 20 ورلڈ کپ میں پاکستان کی خاتون کرکٹرز کی کی حوصلہ افزائی کریں۔

خواتین کے ٹی20 ورلڈ کپ کا آغاز سن 2009 میں ہوا تھا۔ کرکٹ ٹیم کی کپتان ثناء میر۔ اسماویا اقبال، بسما معروف، نین آبیدی اور جویریہ خان اب تک کے تمام ٹی 20 ورلڈ کپ کھیل چکی ہیں۔

DW.COM