1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

  گاما پہلوان کی نواسی پارلیمانی نشست کے لیے  لڑیں گی

پاکستان کے سابق وزیراعظم نواز شریف کی اہلیہ کلثوم نواز شریف نے اپنے شوہر کے نااہل قرار دیے جانے کے بعد  قومی اسمبلی کی خالی ہونے والی نشست پر ضمنی انتخاب کے لیے کاغذات نامزدگی جمع کرا دیے ہیں۔

Kulsoom Nawaz Maryam Nawaz Sharif 2013 (Arif Ali/AFP/Getty Images)

بیگم کلثوم نواز شریف تین بار پاکستان کی خاتون اول رہ چکی ہیں

شریف خاندان کے مشیر آصف کرمانی نے آج لاہور میں صحافیوں سے بات کرتے ہوئے کہا کہ این اے بیس کے لیے بیگم کلثوم نواز شریف کے کاغذاتِ نامزدگی پاکستان کے الیکشن کمیشن میں جمع کرا دیے گئے ہیں۔

اس نشست پر یہ ضمنی انتخاب آئندہ پینتالیس روز کے اندر کرایا جائے گا۔ کلثوم نواز کے مد مقابل پاکستان تحریک انصاف کی یاسمین راشد ہیں۔

پاکستان کے مقامی میڈیا کے مطابق کلثوم نواز شریف کا مقابلہ پاکستان تحریک انصاف کی یاسمین راشد سے ہو گا۔ تاہم پی ٹی آئی کے علاوہ پیپلز پارٹی کے زبیر کاردار اور فیصل میر نے بھی اپنے کاغذات نامزدگی جمع کرائے ہیں۔

خیال رہے کہ نواز شریف کو سپریم کورٹ سے نااہل کیے جانے کے بعد لاہور میں این اے بیس خالی ہو گئی تھی اور  پہلے ایسی اطلاعات تھیں کہ نواز شریف کے بھائی اور پنجاب کے وزیر اعلی شہباز شریف اس نشست پر ضمنی انتخاب لڑیں گے۔

یہاں یہ بات دلچسپی سے خالی نہیں کہ وہ پاکستان کے مایہ ناز پہلوان رستم زماں گاما پہلوان کی نواسی ہیں۔ کلثوم اس وقت بھی سیاسی میدان میں اتریں تھیں جب سابق آرمی چیف پرویز مشرف نے اُن کے شوہر نواز شریف کو اقتدار سے ہٹا دیا تھا۔ سن انیس سو نناوے میں نواز شریف کی گرفتاری کے بعد پارٹی صدارت کا عہدہ بھی کلثوم نواز نے ہی سنبھالا تاہم سن 2002 میں اس منصب سے استعفیٰ دے دیا تھا۔

DW.COM