1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

گال ٹیسٹ، سری لنکا کی پوزیشن مضبوط

سری لنکا اور بھارت کے مابین جاری تین ٹیسٹ میچوں کی سیریز کے پہلے ٹیسٹ میچ کے پہلے دن کے اختتام پر مہمان ٹیم نے 256 رنز بنا لئے ہیں اور اس کے دو کھلاڑی آوٹ ہوئے ہیں۔

default

سری لنکا کرکٹ ٹیم کے کپتان سنگراکارا

گال انٹرنیشنل سٹیڈیم میں کھیلے جانے والے پہلے ٹیسٹ میچ میں سری لنکا نے ٹاس جیت کر پہلے کھیلنے کا فیصلہ کیا۔

سلامی بلے باز پراناویٹانا اور کپتان سنگراکارا نے پہلے دن کے اختتام تک سینچریاں اسکور کیں۔ پرانا ویٹانا ایک سو دس رنز بنا کر ناٹ آوٹ ہیں جبکہ سنگراکارا ایک سو تین رنز بنا کر شہواگ کی بولنگ پر تندولکر کے ہاتھوں کیچ آؤٹ ہوئے۔

سلامی بلے باز دلشان کھیل کے آغاز پر جلد ہی آؤٹ ہو گئے۔ انہوں نے پچیس رنز بنائے اورانہیں پہلا ٹیسٹ میچ کھیلنے والے بھارتی بولر متھن نے آؤٹ کیا۔

پہلے دن کے اختتام پر پراناویٹانا کے ساتھ جے وردھنے کھیل رہے ہیں۔ جے وردھنے نے آٹھ رنز بنائیں ہیں۔

Sri Lanka Sport Cricket Cricketspieler Muttiah Muralitharan

شائقین کرکٹ کی نگاہیں مرلی دھرن پر لگی ہوئی ہیں

اس ٹیسٹ میچ کی ایک اہم بات یہ بھی ہے کہ مایہ ناز آف سپنر بولر مرلی دھرن اس میچ کے بعد ریٹائر ہو جائیں گے۔ انہیں ٹیسٹ کرکٹ میں انفرادی طور پر800 وکٹیں حاصل کرنے کا ریکارڈ بنانے کے لئے صرف آٹھ وکٹیں درکار ہیں۔ انہوں نے اب تک ایک سو بتیس ٹیسٹ میچ کھیلے ہیں اورسات سو بانوے وکٹیں حاصل کر رکھی ہیں۔ اب دیکھنا یہ ہے کہ وہ اپنے 133ویں اور آخری ٹیسٹ میچ میں ایک نیا ریکارڈ بنا سکیں گے یا نہیں۔

رپورٹ: عاطف بلوچ

ادارت: کشور مصطفیٰ