1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

گارڈ پر اردنی باشندے نے پیچ کس سے حملہ کیا، اسرائیل

اسرائیل کے مطابق اُردن میں ملکی سفارت خانے کے ایک سکیورٹی گارڈ نے دو اردنی باشندوں پر اُس وقت فائرنگ کی جب اُن میں سے ایک نے اُس پر پیچ کس سے حملہ کیا۔ فائرنگ کے نتیجے میں دونوں اردنی باشندے ہلاک ہو گئے تھے۔

Jordanien Schüsse in israelischer Botschaft in Amman (picture-alliance/abaca)

فائرنگ کا یہ واقعہ ایک ایسے وقت میں پیش آیا ہے جب ابھی اسرائیل اور اردن کے درمیان یروشلم میں بحران شدید ہونے پر ایک دوسرے سے رابطے تیز ہو رہے تھے

یہ واقعہ اتوار کی شب ایک رہائشی عمارت میں پیش آیا جو اسرائیلی سفارت خانے کے عملے کے استعمال میں تھی۔ اسرائیلی میڈیا کی رپورٹوں کے مطابق اردن نے اس واقعے کی تحقیقات کا مطالبہ کرتے ہوئے اسرائیلی عملے کو عمارت چھوڑنے سے روک دیا ہے۔ اسرائیل کے اس بیان پر تبصرے کے لیے اردن حکومت کے حکام سے فوری طور پر رابطہ نہیں ہو سکا ہے۔

دوسری جانب اسرائیلی وزارت خارجہ نے اپنے بیان میں کسی قسم کے مطالبات تو نہیں کیے لیکن یہ ضرور کہا ہے کہ بین الاقوامی معاہدوں کے مطابق گارڈ کو سزا سے استثناء حاصل ہے۔

فائرنگ کا یہ واقعہ ایک ایسے وقت میں پیش آیا ہے جب ابھی اسرائیل اور اردن کے درمیان اسرائیل  کی جانب سے ماؤنٹ ٹیمپل یا بیت المقدس کے علاقے میں پچاس سال سے کم عمر مسلم مردوں کے داخلے پر پابندی عائد کرنے کے نتیجے میں بحران شدید ہونے پر ایک دوسرے سے رابطے تیز ہو رہے تھے۔

 ماؤنٹ ٹیمپل یا بیت المقدس کا علاقہ مسلمانوں اور یہودیوں دونوں ہی کے نزدیک مقدس ہے۔ اردن مسلمانوں کی طرف سے اس مقام کا انتظام سنبھالے ہوئے ہے۔

 اسرائیلی وزارت خارجہ کا کہنا ہے کہ ملکی سیکیورٹی کابینہ میں اتوار کی رات سے آج پیر کی صبح کے آغاز تک  بیت المقدس کے بحران اور اردن میں ایمبیسی فائرنگ کے واقعے پر بات چیت جاری رہی۔ اسرائیلی وزارت خارجہ نے یہ بھی بتایا کہ ملکی وزیر اعظم بنجمن نیتن یاہو نے اردن میں تعینات اسرائیلی سفیر سے فون پر بات کی ہے۔

وزارت خارجہ کے مطابق یہ واقعہ اس وقت پیش آیا جب دو اردنی ورکرز سفارت خانے کی عمارت کا فرنیچر تبدیل کرنے وہاں پہنچے اور اسرائیلی میڈیا کے مطابق اُن میں سے سترہ سالہ کارکن نے اسرائیلی گارڈ پر پیچ کس سے حملہ کیا، جس پر گارڈ نے اس پر فائر کر دیا۔ دوسرا اردنی باشندہ جسے عمارت کا مالک بتایا جاتا ہے، فائرنگ کی زد میں آ کر ہلاک ہوا۔ اسرائیلی گارڈ کو معمولی چوٹیں آئی ہیں۔ جمعے کے روز ہزاروں اردنی باشندوں نے بیت المقدس کے حوالے سے اسرائیلی پالیسیوں کے خلاف  دارالحکومت عمان میں احتجاجی مظاہرہ کیا تھا۔

DW.COM