1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کیچ چھوڑنے سے پاکستان میچ ہارا: سلمان بٹ

پاکستانی کرکٹ ٹیم کے کپتان سلمان بٹ کا کہنا ہے کہ ان کی ٹیم خراب فیلڈنگ کی وجہ سے انگلینڈ سے ٹیسٹ سیریز کا دوسرا میچ ہاری ہے۔

default

ایجبسٹن ٹیسٹ میں نو وکٹوں سے شکست کھانے کے بعد سلمان بٹ نے فیلڈرز کی جانب سے 14 کیچ چھوڑنے پر افسوس ظاہر کیا۔’’ لڑکے جانتے ہیں کہ ہمیں جیتنے کے لئے 20 کھلاڑیوں کو آؤٹ کرنے کی ضرورت ہے اور اگر ہم 14 کیچ چھوڑتے ہیں تو پھر تو جیتنا مشکل ہے۔‘‘

بٹ کے مطابق اگرچہ ان 14 کیچز میں سے کچھ بہت مشکل تھے مگر دس یقینی کیچ تھے۔ انگلینڈ کے کیون پیٹرسن کی 80 رنز کی اننگز میں انہیں تین بار چانس ملا۔

پاکستان کو ایجبسٹن ٹیسٹ میں نو وکٹوں سے شکست ہوئی اور یوں انگلینڈ کو چار ٹیسٹ میچز کی اس سیریز میں دو صفر کی برتری حاصل ہوگئی ہے۔ پیر کو کھیل کے چوتھے روز انگلینڈ نے ایک وکٹ کے نقصان پر 118 رنز کا ہدف کامیابی سے پورا کیا۔ انگلش کپتان اینڈریو سٹراؤس نے 53 اور جوناتھن ٹروٹ نے بھی 53 رنز بنائے۔ پاکستان کی دوسری اننگز میں چھ وکٹیں لینے والے گریم سوان کو کھیل کا بہترین کھلاڑی قرار دیا گیا۔

Kricket Waqar Younis

کوچ وقار یونس

کرکٹ کے ہر فارمیٹ میں بیٹنگ اور بولنگ کے ساتھ ساتھ فیلڈنگ کی اہمیت بھی اب انتہائی واضح ہوچکی ہے۔ اسی طرح انگلینڈ میں جسمانی علوم کے ماہر رچرڈ ہالسل اور آسٹریلیا میں بیس بال کے کوچ مائیک ینگ بطور فیلڈنگ کوچ مامور ہیں۔ جنوبی افریقہ میں یہ خدمات اپنے وقت کے بہترین فیلڈر جونٹی روڈز سر انجام دے رہے ہیں۔ پاکستان میں ابھی تک پیشہ ورانہ فیلڈنگ کوچ کا رجحان فروغ نہیں پایا ہے۔ سابق پاکستانی ٹیسٹ کرکٹر اعجاز احمد، کوچ وقار یونس کے ساتھ بحیثیت معاون کوچ ذمہ داریاں نبھا رہے ہیں۔

سلمان بٹ نے اعجاز کا دفاع کرتے ہوئے کہا کہ وہ ایک اچھے فیلڈر رہے ہیں اور اب بھی بہت محنت کر رہے ہیں تاہم ایک سیریز میں یکدم سب کچھ بدلنا مشکل ہے۔

ایجبسٹن ٹیسٹ کے لئے وکٹ کیپر کامران اکمل کو خراب کارکردگی کی بناء پر ڈراپ کیا گیا تھا مگر ان کے متبادل ذولقرنین حیدر نے بھی تین کیچ چھوڑے۔ حیدر نے البتہ اپنے پہلے ٹیسٹ میچ کی دوسری اننگز میں ٹیم کو اچھا سہارا فراہم کیا۔ وکٹ کیپر بیٹسمین نے دو سو گیندیں کھیلیں اور 15 چوکوں کی مدد سے مشکل وقت میں 88 رنز بنائے اور اس طرح پاکستان کو اننگز شکست سے بچایا۔

ناٹنگھم ٹیسٹ میں پاکستان کو 354 رنز سے شکست ہوئی تھی۔ اگلے دو میچز میں سے ایک اوول اور دوسرا لارڈز میں کھیلا جائے گا۔

رپورٹ: شادی خان سیف/خبر رساں ادارے

ادارت: گوہر نذیر گیلانی

DW.COM