1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کینیڈا ٹوئنٹی ٹوئنٹی کپ : شعیب اخترکی قسمت کا فیصلہ آٹھ اکتوبر کے دن

پاکستان کرکٹ بورڈ کے ترجمان منصور سہیل نے کہا ہے کہ آٹھ اکتوبر کو لاہور ہائی کورٹ، پاکستانی متنازعہ فاسٹ باولر کے بارے مین اپنا حکم نامہ سنائے گی تو ان کے بارے میں حتمی فیصلہ کیاجائے گا کہ وہ ٹیم میں واپس آئیں گے یا نہیں

default

شعیب اختر کو جرمانہ ادا کرنا پڑے گا یا نہیں فیصلہ آٹھ اکتوبر کو

واضح رہے کہ شعیب اختر نے ابھی تک سات ملین روپے کا جرمانہ ادا نہیں کیا ہے جس پر لاہور ہائی کورٹ نے اپنا حتمی فیصلہ آٹھ اتوبر کو سنانا ہے کہ آیا شعیب اختر کو یہ جرمانہ ادا کرنا پڑے گا کہ نہیں۔ اس سے قبل شعیب اختر نے اپنے اوپر لگائے جانے والے اس جرمانے کو لاہور ہائی کورٹ میں چیلنج کیا تھا ۔

پاکستان کرکٹ بورڈ کے ترجمان منصور سہیل نے صحافیوں کو بتایا کہ کینیڈا میں کھیلے جانےوالے ٹوئنٹی ٹوئنٹی ٹورنامنٹ میں شعیب اختر کی شرکت کا انحصار ہائی کورٹ کے فیصلے پر ہے۔ انہوں نے کہا کہ کورٹ نے چھ اکتوبر کو ہی فیصلہ سنانا تھا تاہم عید کی چھٹیوں کی وجہ سے اب یہ فیصلہ آٹھ اکتوبر کو متوقع ہے۔

واضح رہے کہ پاکستان کرکٹ بورڈ کینیڈا میں ہونےوالے ٹوئنٹی ٹوئنٹی کپ میں شرکت کرنے والی ٹیم کا اعلان چھ اکتوبر کو کرے گی۔ پاکستان کرکٹ بورڈ نے کہا ہے کہ اگر شعیب اختر اپنی فٹ نس ثابت کریں گے تو انہیں ٹیم میں ضرور شامل کیا جائےگا۔ لیکن اگر لاہور ہائی کورٹ نے انہیں جرمانہ ادا کرنے کا کہا تو اس صورت میں جرمانہ ادا کئے بغیر وہ ٹیم میں اپنی جگی نہیں بنا سکیں گے اوران کی جگہ ریزرو کھلاڑی کو ٹیم میں شامل کیا جائےگا۔