1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

کیلس ایکشن سے باہر، کپتان سمتھ پریشان

جنوبی افریقہ کو انگلینڈ کے خلاف پانچ میچوں کی ون ڈے سیریز کے حوالے سے ایک زبردست دھچکا لگا ہے۔ عالمی شہرت یافتہ آل راوٴنڈر ژاک کیلس پسلی میں فریکچر کے باعث اس سیریز میں شرکت نہیں کرسکیں گے۔

default

کپتان گریم سمتھ

حالیہ چیمپیئنز ٹرافی میں ژاک کیلس سائیڈ سٹرین کے باعث پوری طرح فٹ نہیں تھے تاہم اب یہ توقع کی جا رہی تھی کہ وہ پوری طرح سے فٹ ہوگئے ہیں اور انگلینڈ کے خلاف سیریز میں بیٹنگ کے علاوہ اپنی بولنگ کے ہُنر بھی دکھائیں گے۔

کیلس کی غیرموجودگی کا مطلب جنوبی افریقہ کے لئے ٹیم میں ایک بولر اور ایک بیٹسمین کم ہونے کے مترادف ہے۔ جنوبی افریقی سلیکٹرز کے لئے اب ٹیم میں توازن پیدا کرنا مشکل کام بن گیا ہے۔

Cricket - England gegen Indien

ایک روزہ سیریز کا دوسرا میچ اتوار کو کھیلا جائے گا

سلیکٹرز کی نظریں لوٹُس بوسمن کی جانب بھی مرکوز ہیں۔ بوسمن نے انگلینڈ کے خلاف حالیہ ٹوئنٹی ٹوئنٹی سیریز میں شاندار کارکردگی کا مظاہرہ کیا تھا۔ سینچوریئن پارک میں اس سیریز کے ایک میچ میں بوسمن نے محض 45 گیندوں پر 94 رنز بنائے تھے۔

کیلس ایک روزہ اور پانچ روزہ مقابلوں میں دس دس ہزار سے زائد رنز اور ڈھائی سو سے زائد وکٹیں لینے والے واحد ممتاز آل راونڈر ہیں۔

جنوبی افریقہ اور انگلینڈ کے درمیان پانچ میچوں پر مبنی ون ڈے سیریزکا پہلا میچ بارش کی نذر ہوگیا تھا۔ یہ میچ وانڈررز پر کھیلا جانا تھا تاہم مسلسل بارش کی وجہ سے ایک بھی بال نہیں کھیلی جا سکی۔ سیریز کا دوسرا میچ اتوار کے روز سینچوریئن میں کھیلا جائے گا۔

رپورٹ : گوہر نزیر گیلانی

ادارت : شادی خان سیف

DW.COM