1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

کیری لوگر بل منظور، عسکری مدد پر شرائط

بدھ کے روز امریکی سینٹ نے پاکستان کو دی جانے والی امداد کو سہ گنا کرنے کے بل کو متفقہ طور پر منظور کر لیا ہے تاہم بالخصوص عسکری حوالے سے دی جانے والی امداد پر شرائط بھی عائد کی گئی ہیں۔

default

امریکی سینیٹر جان کیری نے اس بل کی منظوری پر پاکستانی عوام کو مبارکباد دی ہے

کیری لوگر بل کے مطابق اقتصادی اور عسکری امداد کے طور پر امریکہ ،پاکستان کو پانچ سال تک سالانہ 1.5 بلین ڈالرز دے گا ۔ اگرچہ اقتصادی امداد پر کوئی شرط عائد نہیں کی گئی تاہم عسکری امداد پر کچھ شرائط عائد کی گئی ہیں۔

اس امداد کے ساتھ دو اہم شرائط عائد کی گئی ہیں۔ ایک شرط یہ ہے کہ سالانہ بنیادوں پر جانچا جائے گا کہ پاکستان دہشت گردی کے خلاف کارروائی میں کیا کارکردگی دکھا رہا ہے اور دوسری یہ کہ پاکستان ایٹمی ہتھیاروں کے پھیلاؤکو روکنے کے لئے اقدامات کرنے کے علاوہ ان افراد کے خلاف بھی کارروائی کرے گا جو ایٹمی سمگلنگ میں شامل ہیں۔ ناقدین کا کہنا ہے کہ اگرچہ پاکستانی سائنسدان ڈاکٹر عبدالقدیر خان کا نام نہیں لیا گیا ہے تاہم اس دوسری شرط کا تعلق انہی سے ہے۔

ایوانِ نمائندگان کی جانب سے اِس بِل کی منظوری پہلے ہی وسطِ جون میں دے دی گئی تھی۔ بعد ازاں سینیٹ کی خارجہ امور کی کمیٹی نے بھی اِس کی منظوری دے دی تھی۔ اب دونوں ایوان ، اِس بل کو حتمی شکل دینے کے بعد اس بل کو باقاعدہ منظوری کے لئے امریکی صدر کو دستخط کے لئے پیش کیا جائے گا۔

خبر رساں ادارے

Audios and videos on the topic