1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

کیا آپ اوباما کو مزید جاننا نہیں چاہیں گے؟

باراک اوباما امریکہ کی سیاسی تاریخ میں ملک کے پہلے سیاہ فام صدر منتخب ہوگئے ہیں۔ مجموعی طور پر اوباما ملک کے چوالیسویں صدر ہیں۔ وہ پندہرویں ڈیموکریٹ صدر ہیں اور ستائیسویں وکیل ، جو امریکہ کے صدر منتخب ہوئے ہیں۔

default

باراک اوباما اپنی اہلیہ مشیئل اوباما اور ان کی دو بیٹیوں،ساشا اور مالیا کے ہمراہ

امریکہ کے نئے منتخب صدر، باراک اوباما کی عمر سینتالیسں برس ہے۔ وہ چار اگست انیس سو اکسٹھ میں ہوائی میں پیدا ہوئے۔ اوباما نے کولمبیا یونیورسٹی اور ہاورڈ لاء سکول سے گریجویشن کی۔ باراک اوباما پہلے افریقی۔امریکی تھے جو اپنی قانون کی ڈگری حاصل کرنے کے دوران، Harvard Law Review کے صدر منتخب ہوئے۔

ذاتی زندگی:

Wahlsieg Rede in Chicago Barack Obama mit Familie US Präsidentschaftswahl

شکاگو میں باراک اوباما اپنی اہلیہ مشیئل اوباما اور ان کی دو بیٹیوں،ساشا اور مالیا کے ہمراہ

اوباما کی بیوی کا نام مشیئل اوباما ہے۔ ان کی دو بیٹیاں ہیں۔ دس سالہ ساشا اور سات برس کی مالیا۔ اوباما کے والد کینیا کے سیاہ فام تھے اور والدہ سفید فام امریکی شہری تھیں۔

سیاسی سفر کا آغاز:

US Wahl Barack Obama läuft in russischem restaurant in Chicago

صدارتی انتخابات میں اوباما کی فتح کے موقع پر شکاگو میں ان کی تصویر پلازما اسکرینز پر، اوباما نے شکاگو میں متاثر کن اور جزباتی تقریر کی

اوباما کے سیاسی کیرئیر کا آغاز چار جنوری دو ہزار پانچ کو امریکی ریاست Illinois سے ہوا جہاں سے وہ سینیٹر منتخب ہوئے۔ اس سے قبل، باراک اوباما نے انیس سو بانوے سے سن دو ہزار چار تک یونیورسٹی آف شکاگو میں تدریس کے فرائض بھی سر انجام دیئے۔

چار نومبر دو ہزار آٹھ کے حتمی صدارتی انتخابات سے قبل صدارتی پرائمریز کے دوران باراک اوباما نے اپنی ہی جماعت، یعنی ڈیموکریٹک پارٹی کی سینیٹر اور سابق خاتون اوّل ہلیری کلنٹن کو شکست دے کر پارٹی سے صدارتی نامزدگی حاصل کی۔ اوباما حتمی صدارتی پرائمریز میں اپنی ہی جماعت کی حریف کو شکست دینے میں کامیاب ہوئے تو انہیں ڈیموکریٹس کے اعلیٰ مندوبین، یعنی super delegates کی حمایت بھی حاصل ہو گئی۔ باراک اوباما نے چند کتابیں بھی تصنیف کی ہیں۔ Dreams From My Father اوباما کی پہلی کتاب تھی۔

DW.COM